Дар Котиботи СҲШ дар Пекин ба муносибати ҷашни Наврӯз ҳамоиши тантанавӣ баргузор шуд
ДУШАНБЕ, 02.04.2025 /АМИТ «Ховар»/. 1 апрел дар Котиботи Созмони ҳамкории Шанхай дар Пекин ба муносибати ҷашни баҳор, ки дар бисёре аз давлатҳои аъзои Созмони ҳамкории Шанхай таҳти шиори «Наврӯз-2025: ҳамоҳангии анъанаҳо ва рушди устувор» ба таври васеъ таҷлил мешавад, ҳамоиши тантанавӣ баргузор гардид. Дар ин хусус АМИТ «Ховар» бо истинод ба котиботи Созмони ҳамкории Шанхай дар Пекин иттилоъ медиҳад.
Дабири кулли Созмони ҳамкории Шанхай Нурлан Ермекбаев зимни суханронӣ Наврӯзро таҷассуми пирӯзии некӣ, умеди мардум ба соли пурфайз, шукуфоӣ, некуаҳволӣ ва зиндагии осоишта номид. Зимнан изҳор шуд, ки имсол ба Рӯзи байналмилалии Наврӯз эълон гардидани 21 март аз ҷониби Созмони Милали Муттаҳид 15 сол пур шуд.
Ба иттилои Нурлан Эрмекбоев, руҳияи Наврӯз бо «руҳияи Шанхай» ва пеш аз ҳама, моҳияти он, аз қабили баробарӣ, эътимоди мутақобил, эҳтиром ба гуногунии фарҳангу тамаддунҳо ҳамоҳанг мебошад. Омодагии давлатҳои аъзои Созмони ҳамкории Шанхай бобати саъю талош варзидан барои таҳким додани дӯстӣ ва ҳамкорӣ ба манзури эҷоди ояндаи бехатар, созгор ва шукуфон таъкид карда шуд.
Намояндаи махсуси Ҳукумати Ҷумҳурии Мардумии Чин оид ба корҳои Авруосиё Ли Ҳуэй таъкид намуд, ки мардуми давлатҳои аъзои Созмони ҳамкории Шанхай бо пайравӣ аз «руҳияи Шанхай» Наврӯзро, ки таҷассумгари хушбахтӣ, некӯаҳволӣ, ваҳдат ва шукуфоӣ мебошад, ба рӯйдоди муҳими мубодилаи фарҳангӣ ва ба ҳам наздик шудани одамон табдил медиҳанд.
Ба меҳмонон инчунин паёми табрикии видеоии Дабири кулли Созмони Милали Муттаҳид Антониу Гутерриш манзур карда шуд.
Баъд аз қисмати расмӣ барномаи рангини консертӣ бо иҷрои суруду рақсҳои миллӣ, ки аз ҷониби намояндагиҳои дипломатии давлатҳои аъзои Созмони ҳамкории Шанхай ва ҳайати эҷодии Донишгоҳи марказии миллатҳо ташкил шуда буд, баргузор гардид.
Дар гӯшаҳо ашёи санъати ороишӣ-амалӣ ва таомҳои миллии давлатҳои аъзои созмон ба намоиш гузошта шуданд.
АКС: Котиботи Созмони ҳамкории Шанхай дар Пекин
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
