Дар неругоҳи «Сангтӯда-1» аудити Низоми идоракунии экологӣ гузаронида шуд
ДУШАНБЕ, 09.04.2025 /АМИТ «Ховар»/. Дар Ҷамъияти саҳомии кушодаи «Неругоҳи барқи обии Сангтӯда-1» аудити даврии Низоми идоракунии экологӣ (НИЭ) барои мутобиқат ба талаботи стандарти байналмилалии ISO 14001:2015 гузаронида шуд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Санҷиш нишон дод, ки Низоми идоракунии экологии Неругоҳи барқи обии «Сангтӯда-1» пайваста дар ҳолати такмил қарор дошта, тавассути ноил шудан ба ҳадафҳо ва вазифаҳои экологӣ, ки ба принсипҳои истифодаи сарфакоронаи захираҳои табиӣ ва энергетикӣ, инчунин кам намудани таъсири эҳтимолии манфӣ ба муҳити зист асос ёфтаанд, самаранок фаъолият менамояд.
Аудитро мутахассисони Ташкилоти байналмилалии сертификатсионӣ — DQS анҷом доданд. Гурӯҳи аудиторҳо ҷанбаҳои муҳими экологӣ, татбиқи барномаи чорабиниҳо барои расидан ба ҳадафҳои экологӣ ва риояи талаботи қонунгузории соҳаи ҳифзи муҳити зистро мавриди санҷиш қарор доданд.
Аудиторҳо махсусан таъкид намуданд, ки дар Неругоҳи барқи обии «Сангтӯда-1» корҳои мунтазами баланд бардоштани амнияти иншооти гидротехникӣ ба роҳ монда шудаанд. Дар ҳудуди неругоҳ вазъи экологӣ беҳтар шуда, корҳои сабзкорӣ, ниҳолшинонӣ ва барқарорсозии заминҳо (рекултиватсия) гузаронида мешаванд.
Натиҷаҳои аудити назоратӣ собит намуданд, ки Низоми идоракунии экологии Неругоҳи барқи обии «Сангтӯда-1» ба тамоми талаботи стандарти байналмилалии ISO 14001:2015 ҷавобгӯ мебошад.
Низоми идоракунии экологӣ дар Ҷамъияти саҳомии кушодаи «НБО Сангтӯда-1» аз соли 2015 амал намуда, ҳар сол ҷамъият мутобиқати онро ба талаботи стандарт тавассути гузаронидани аудитҳо муваффақона тасдиқ менамояд.
Натиҷаҳои мусбати сертификатсия нишони онанд, ки фаъолияти Ҷамъияти саҳомии кушодаи «НБО Сангтӯда-1» дар самти ҳифзи муҳити зист ба меъёрҳои баланди байналмилалӣ мутобиқ аст.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
