Дар ноҳияи Мастчоҳ бо мақсади пешгирии паҳншавии малах корҳои безараргардонӣ гузаронида шуданд
ДУШАНБЕ, 20.04.2025 /АМИТ «Ховар»/. Дар ноҳияи Мастчоҳ, аз ҷумла дар чарогоҳи маҳаллаи Ваҳдатободи деҳоти Навбаҳор бо мақсади пешгирии паҳншавии малах корҳои дорупошӣ ва нобудсозии тухмгоҳҳои малах шуруъ шуданд.
Тавре АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад, дар ин мавзеъ дар 1250 гектар пайдоиши малахи марокашӣ сабт шуда, бо истифода аз техникаҳои махсус ва заҳрдоруҳои дорои таъсири баланд малахҳо нест карда мешаванд.
Дар ноҳия ситоди мубориза бар зидди малах таъсис дода шуда, 15 сокини маҳаллӣ аз ҷониби Муассисаи давлатии мубориза бар зидди малах дар ноҳияи Мастчоҳ ба корҳои дорупошӣ ва мониторинги мавзеъҳо ҷалб шудаанд. Барои иҷрои босамари корҳо заҳрдоруҳои таъсирнок, дастгоҳҳои муосири дорупошӣ, либоси муҳофизатӣ ва дигар лавозимоти зарурӣ дар ихтиёри кормандон гузошта шудаанд.
Мутахассисони соҳавӣ таъкид мекунанд, ки паҳншавии галавии малах метавонад боиси зарари ҷиддӣ ба чарогоҳҳо ва зироати кишоварзӣ гардад. Намудҳои галаҳои малах одатан қобилияти зуд ҳаракат кардан дошта, дар муддати кӯтоҳ масофаҳои зиёдеро тай мекунанд. Агар тадбирҳои саривақтӣ андешида нашаванд, онҳо метавонанд чарогоҳҳо ва зироати кишоварзиро пурра нобуд созанд.
АКС: Дафтари матбуоти Раиси ноҳияи Мастчоҳ
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
