Дар ноҳияи Мастчоҳ дар беш аз 12 ҳазор гектар чигит кишт карда мешавад
ДУШАНБЕ, 19.04.2025. /АМИТ «Ховар»/. Соли равон дар ноҳияи Мастчоҳ дар 12 ҳазору 440 гектар пунбадона кишт карда мешавад, ки нисбат ба соли 2024 2 ҳазор гектар зиёд мебошад. Дар ин хусус ба АМИТ «Ховар» аз Хадамоти матбуоти Раиси вилояти Суғд иттилоъ доданд.
Ноҳияи Мастчоҳ яке аз минтақаҳои асосии пахтакор ба шумор рафта, ҳамасола дар он масоҳати кишти ин зироати муҳими стратегӣ зиёд мегардад. Инчунин барои беҳтар намудани таъминоти оби полезӣ чораҳои судманд амалӣ гардонида мешаванд.
Бо дастгирии Президенти Ҷумҳурии Тоҷикистон муҳтарам Эмомалӣ Раҳмон, дар пойгоҳҳои обкашии ноҳия таҷҳизоти нав насб шуда, иқтидори мавҷуда самаранок истифода мешавад.
Кишоварзони ноҳия талош доранд, ки кишти пунбадонаро сари вақт ва бо риояи талаботи агротехникӣ ба анҷом расонанд.
АКС: Хадамоти матбуоти Раиси вилояти Суғд
Имрӯз дар шаҳри Душанбе ҳаво то 23 дараҷа гарм мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
