Дар ҳошияи имзои Эъломияи Хуҷанд оид ба дӯстии абадӣ ҳамоиши сиёсӣ-фарҳангӣ баргузор шуд
ДУШАНБЕ, 12.04.2025 /АМИТ «Ховар»/. Имзои Эъломияи «Дӯстии абадӣ» аз чанд ҷиҳат барои давлатҳои минтақа аҳамияти сиёсию таърихиро соҳиб аст. Аз нигоҳи консепсияи тамаддунию ҷуғрофии геополитикӣ ҳудуди Осиёи Марказӣ воҳиди тому ягонаи геополитикиро ташкил дода, инкишофи иқтисодию иҷтимоӣ ва таъмини амниятии он бояд дар натиҷаи ҳамгироӣ ва ҳамзистии осишта таъмин карда шавад. Яъне давлатҳои минтақа ҳам аз нигоҳи ҷуғрофӣ ва ҳам аз нигоҳи тамаддунӣ ба ҳам вобаста буда, танҳо дар натиҷаи ҳамгироӣ ва сулҳу дӯстии абадӣ таъмин карда мешаванд.
Ин матлабро 11 апрел ректори Академияи идоракунии давлатии назди Президенти Ҷумҳурии Тоҷикистон Даврон Сафарзода зимни ҳамоиши сиёсӣ-фарҳангӣ таҳти унвони «Ман дӯсту дӯстӣ гуфтам» дар ҳошияи имзои Эъломияи Хуҷанд оид ба дӯстии абадӣ баён намуд. Дар ин хусус ба АМИТ «Ховар» аз Академияи идоракунӣ хабар доданд.
Даврон Сафарзода иброз дошт, ки «Эъломияи «Дӯстии абадӣ» ба якчанд баҳсҳои минтақавии марзӣ хотима гузошт. Махсусияти дигари ин Эъломияро бе миёнарав — давлат ва ё созмони дигар имзо гардидани он ташкил медиҳад, ки ҳолати камназир дар муносибатҳои минтақавии ҳалли баҳсу низоъ ба шумор меравад. Бе миёнарав гузаштани раванди Эъломияи «Дӯстии абадӣ» бозгӯи он аст, ки дар доираи имзои он манфиатҳои миллии давлатҳои аъзо ва халқи ҳамин минтақа ба инобат гирифта шуда, ҳимоя мегарданд».
Дар ҳамоиш устодони академия доир ба аҳамияти Эъломияи дӯстии абадӣ, таҳдиду хатарҳои навини геополитикии олам, рушду инкишофи ояндаи иқтисодӣ ва иҷтимоии ҷумҳурӣ сухан намуда, Эъломияи Хуҷандро дорои аҳамияти муҳими сиёсиву таърихӣ дониста, онро дар масири таърих заминаи асосии рушду инкишофи минтақаи Осиёи Миёна арзёбӣ намуданд.
Барномаи рангини консертӣ бо иштироки беҳтарин сарояндагони мамлакат пешкаши иштирокчиёни ҳамоиш гардонида шуд.
АКС: Академияи идоракунии давлатии назди Президенти Ҷумҳурии Тоҷикистон
НИШАСТИ МАТБУОТӢ. Академияи идоракунии давлатӣ аз рӯйи 31 ихтисос мутахассис омода менамояд
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
