Дар Осорхонаи миллии Тоҷикистон намоиши «Бозгашт» ифтитоҳ гардид
ДУШАНБЕ, 10.04.2025 /АМИТ «Ховар»/. Ба ифтихори Рӯзи байналмилалии ҳифзи ёдгориҳои таърихию фарҳангӣ дар Осорхонаи миллии Тоҷикистон таҳти унвони «Бозгашт» намоиши асарҳои санъати тасвирии тармимшуда ифтитоҳ гардид, иттилоъ медиҳад АМИТ «Ховар» бо истинод ба ин осорхона.
Дар намоиши «Бозгашт» аз фонди тиллоии Осорхонаи миллӣ бори нахуст зиёда аз 17 асари нодири санъати тасвирие, ки солҳои 1911-1974 аз ҷониби рассомони машҳури Тоҷикистон Моргунов А, Лонин В, Зубреева М, Камелин А, Серебрянский Б, Раҳимов А, Сидоренко В, Бровидский В, Барто С, Буртсев Е. ва дигарон офарида шудаанд, ба маърази тамошо гузошта шуданд.
Аҳамияти таърихии намоиш дар он аст, ки ин асарҳои нодир аз солҳои 60-уми асри XX то инҷониб ба намоиш бароварда нашуда буданд. Аз ин рӯ, пас аз тармиму таҳкими пурра аз ҷониби тармимгарону мутахассисони Осорхонаи миллӣ онҳо бори нахуст дар шакли намоиши осорхонавӣ пешкаши тамошобинон гардонида шуданд.
Дар офаридаҳои мусаввирони Тоҷикистон, ки солҳои гуногун эҷод шудаанд, мавзуъҳои табиати нотакрори диёр, ёдгориҳои нодири таърихию фарҳангӣ, дӯстии халқҳо, об, расму оин, анъанаҳо ва дигар унсурҳои миллӣ инъикос ёфтаанд.
Намоиши асарҳои санъати тасвирии тармимшуда таҳти унвони «Бозгашт» то 22 апрел идома меёбад.
АКС: Осорхонаи миллии Тоҷикистон
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
