Дар Рӯзи пойтахт ғолибони озмунҳои шаҳрӣ дар соҳаи маориф қадрдонӣ гардиданд
ДУШАНБЕ, 22.04.2025 /АМИТ «Ховар»/. Дар доираи таҷлили Рӯзи пойтахти Ҷумҳурии Тоҷикистон — шаҳри Душанбе дар «Кохи Суруш» барномаи бошукуҳи фарҳангӣ баргузор гардид, ки дар он ғолибони озмунҳои шаҳрии стипендияи Раиси шаҳри Душанбе, «Тоҷи сари ҷумла ҳунарҳост илм» ва «Забон донӣ-ҷаҳон донӣ» бо мукофотҳои арзишманд қадрдонӣ гардиданд. Ин иқдом нишони дастгирӣ ва ҳавасмандгардонии истеъдодҳои ҷавон, арҷгузорӣ ба заҳмати омӯзгорон ва талошҳои донишомӯзон мебошад, ки аз ҷониби Мақомоти иҷроияи ҳокимияти давлатии шаҳри Душанбе амалӣ гардид. Дар ин хусус ба АМИТ «Ховар» мудири шӯъбаи иттилоот ва робита бо ҷомеаи Муассисаи Давлатии таълимии Литсей барои хонандагони болаёқат Иброҳим Ибрагимов хабар дод.
Бояд таъкид намуд, ки 31 хонанда ва Муҳаммадзариф Зарифов – омӯзгори фанни биологияи Литсей барои хонандагони болаёқати шаҳри Душанбе дар ин барнома иштирок намуда, ҳамчун ғолибони озмунҳои шаҳрӣ муаррифӣ гардиданд.
Аз ҷумла, 26 нафар ҳамчун ғолиби озмун барои дарёфти стипендияи Раиси шаҳри Душанбе, 5 нафар чун ғолиби озмуни шаҳрии «Тоҷи сари ҷумла ҳунарҳост илм» ва 1 нафар ҳамчун ғолиби озмуни шаҳрии «Забон донӣ-ҷаҳон донӣ» муаррифӣ гардида, бо мукофот сарфароз гардонида шуданд.
Натиҷаҳои бадастомада нишонаи заҳмату талош, кӯшишҳои пайвастаи омӯзгорону хонандагон ва ҳамзамон робитаи зичи волидайн бо муассисаҳои таълимӣ мебошанд.
АКС: АМИТ «Ховар»
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
