Донишгоҳи технологии Тоҷикистон мутахассисони рақобатпазир омода менамояд
ДУШАНБЕ, 10.04.2025. /АМИТ «Ховар»/. Омӯзгорони Донишгоҳи технологии Тоҷикистон бо хатмкунандагони «Литсейи инноватсионии Душанбе» –и назди Донишгоҳи технологии Тоҷикистон оид ба интихоби дурусти касб ва имконияти донишгоҳ вохӯрӣ намуданд. Дар ин хусус ба АМИТ «Ховар» аз ин донишгоҳ хабар доданд.
Зимни вохӯрӣ ба хатмкунандагон иттилоъ дода шуд, ки Донишгоҳи технологии Тоҷикистон соли 1990 таъсис ёфта, аввалин маротиба дар таърихи Тоҷикистон барои соҳаҳои воқеии иқтисодиёти мамлакат — саноати сабук ва хӯрокворӣ мутахассисони дорои маълумоти олӣ омода намудааст.
Аз оғози фаъолият то инҷониб донишгоҳ беш аз 18 000 мутахассисони рақобатпазир омода намудааст, ки онҳо дар соҳаҳои калидии иқтисодиёти давлат фаъолият доранд.
Донишгоҳ бо 140 таълимгоҳи олии давлатҳои хориҷа ҳамкорӣ дорад. Дар ин замина ба донишгоҳ мутахассисони хориҷӣ даъват шуда, аз фанҳои тахассусӣ дарс медиҳанд.
Дар назди донишгоҳ Маркази муштараки Тоҷикистону Кореяи Ҷанубӣ фаъолият менамояд. Марказ ба донишҷӯён имкон медиҳад, ки забонҳои муосири барномасозиро азхуд намуда, тарзи барномарезии кори роботҳо ва савораҳои беодамро аз худ намоянд.
Инчунин иттилоъ дода шуд, ки дар донишгоҳ ҳамасола озмунҳои «Ихтироъкори ҷавон» ва «Беҳтарин лоиҳаҳои инноватсионии донишҷӯӣ» баргузор мегарданд. Дар назди кафедраҳои тахассусӣ беш аз 20 маҳфили илмӣ-инноватсионӣ фаъолият менамоянд, ки ба баланд бардоштани маҳорату малакаи донишҷӯён мусоидат менамоянд.
АКС: Донишгоҳи технологии Тоҷикистон
Намояндаи Тоҷикистон ғолиби овоздиҳии байналмилалии Ҷоизаи «Евразия-2026» гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Вазорати маорифи Чин Ёддошти тафоҳум оид ба ҳамкорӣ ба имзо расид
Аз 11550 хатмкунандаи муассисаҳои таҳсилоти ибтидоии касбӣ 8488 нафар бо ҷойи кори доимӣ таъмин шуданд
Хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Дар Донишгоҳи миллии Тоҷикистон доир ба пажуҳиши илмӣ ва усулҳои ба роҳ мондани он ҳамоиш доир шуд
Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
