Дурнамои тақвияти ҳамкории иқтисодии Тоҷикистон ва Эрон баррасӣ гардид
ДУШАНБЕ, 16.04.2025 /АМИТ «Ховар»/. Дар семоҳаи якуми соли 2025 табодули мол байни Тоҷикистон ва Эрон 111 миллион долларро ташкил намуд, ки нисбат ба ҳамин давраи соли 2024 42,9 фоиз зиёд мебошад. Ин нукта дар мулоқоти муовини аввали Президенти Ҷумҳурии Исломии Эрон Алӣ Наҷафии Хушрудӣ бо Вазири рушди иқтисод ва савдои Ҷумҳурии Тоҷикистон Завқӣ Завқизода таъкид гардид, иттилоъ медиҳад АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон.
Завқӣ Завқизода гуфт, ки мулоқоту суҳбатҳои Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Исломии Эрон муҳтарам Масъуд Пизишкиён зимни сафари давлатӣ ба Ҷумҳурии Тоҷикистон, ки 15-17 январи соли 2025 баргузор гардид, ба рушди ҳамаҷонибаи муносибатҳои дӯстона ва ҳамкории мутақобили судманд байни давлатҳо такони ҷиддӣ бахшид.
Ҳамзамон таъкид гардид, ки татбиқи босамари «Барномаи ҳамкории дарозмуддати иқтисодӣ ва тиҷоратӣ байни Ҳукумати Ҷумҳурии Тоҷикистон ва Ҳукумати Ҷумҳурии Исломии Эрон барои солҳои 2022-2030» барои густариши савдои мутақобил шароити мусоид фароҳам овардааст. Бо иҷрои дастуру супоришҳои роҳбарони ҳар ду давлат ва ҳамкории мутақобили судманд соли 2024 гардиши савдои хориҷии дуҷониба ба 378 миллион доллар баробар гардида, нисбат ба соли 2023 1,5 маротиба афзоиш ёфтааст.
Тоҷикистон дорои имконияти васеъ барои бунёди корхонаҳои саноатии муштарак дар самти истеҳсоли маҳсулоти сохтмонӣ, саноати кимиёвӣ, дорусозӣ, нассоҷӣ, коркарди маҳсулоти кишоварзӣ ва ғайра буда, истифодаи қувваи кории нисбатан арзон ва энергияи «сабз» ба таъмини рақобатпазирии молу маҳсулоти аз ҷиҳати экологӣ тоза мусоидат менамояд.
Алӣ Наҷафии Хушрудӣ бо таваҷҷуҳи хосса рушди ҳамкории дуҷонибаро ёдовар шуда, барои истифода бурдани долонҳои транзитӣ, баргузории намоишгоҳҳо ва иштироки бахши хусусӣ дар он, ҷалби сармояи мустақими хориҷӣ ва рушди сайёҳӣ изҳори омодагӣ намуд.
Вохӯрӣ дар фазои ҳамдигарфаҳмӣ баргузор гардида, ҷонибҳо барои истифодаи пурраи имконоти мавҷуда ва амалисозии лоиҳаҳои муштараки саноатӣ, тиҷоратӣ ва сармоягузорӣ ибрози назар намуданд.
АКС: Вазорати рушди иқтисод ва савдои Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
