Гумрукчиёни тоҷик дар Тошканд имконоти рақамии Узбекистонро дар соҳаи гумрук омӯхтанд
ДУШАНБЕ, 05.04.2025 /АМИТ «Ховар»/. Ҳайати кории Ҷумҳурии Тоҷикистон иборат аз намояндагони Хадамоти гумрук ва Агентии инноватсия ва технологияҳои рақамӣ дар шаҳри Тошканд бо таҷрибаи Ҷумҳурии Узбекистон дар самти рақамикунонии расмиёти гумрукӣ шинос гардид, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Ҳайати Тоҷикистон бо роҳбарияти Кумитаи гумруки назди Вазорати иқтисод ва молияи Ҷумҳурии Узбекистон оид ба амалӣ намудани эъломияҳои электронӣ ва низомҳои автоматикунонидаи назорат мулоқот анҷом дод. Инчунин бо озмоишгоҳҳои гумрукӣ, марказҳои киберамният ва идоракунии вазъият шинос гардид.
Ҳайати Тоҷикистон ҳамроҳ бо роҳбарияти гумруки Узбекистон бо дидбонгоҳи наздисарҳадии «Яллама» ва анбори гумрукии «Аркбулок» дар шаҳри Тошканд шинос шуд.
Зимни шиносоӣ таъкид гардид, ки дар Узбекистон барасмиятдарории гумрукӣ бе ҳузури шахси барасмиятдароранда тавассути платформаи онлайн амалӣ мегардад.
Ҳамчунин ҳайат бо роҳбарияти Донишгоҳи технологии иттилоотии Тошканд вохӯрӣ намуда, имконияти ҳамкорӣ дар самти табодули донишҷӯён ва татбиқи лоиҳаҳои муштараки инноватсиониро муҳокима намуд. Ҳамчунин ҳайат бо Донишгоҳи муштараки «INHA» ва «Мактаби 21», ки бо методологияи инноватсионӣ фаъолият менамояд, шинос шуд.
Дар ҷараёни мулоқот бо роҳбарияти Вазорати технологияҳои рақамии Узбекистон, корхонаи давлатии «Узинфоком» ва IT Park масъалаҳои рушди ҳукумати электронӣ, амнияти киберӣ, истифодаи зеҳни сунъӣ ва технологияҳои блокчейн баррасӣ шуданд. Ҳайат бо таҷрибаи рақамикунонии инфрасохтор, автоматизатсияи соҳаҳои гуногун ва рушди стартапҳо шинос гардид.
Интизор меравад, ки ин шиносоии ҳайати Тоҷикистон барои омӯзиши таҷрибаи пешрафтаи рақамикунонӣ ва татбиқи он дар мамлакат имконияти нав фароҳам меорад.
Марзия САИДЗОДА,
АМИТ «Ховар»
АКС: Хадамоти гумруки назди Ҳукумати Ҷумҳурии Тоҷикистон
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
