Ифтитоҳи парвозҳои мустақим дар хатсайри Душанбе-Пекин ва Душанбе-Гуанжоу баррасӣ шуд
ДУШАНБЕ, 04.02.2025 /АМИТ «Ховар»/. 31 март директори Агентии авиатсияи граждании назди Ҳукумати Ҷумҳурии Тоҷикистон Назарзода Ҳабибулло бо муовини якуми директори генералии Маъмурияти авиатсияи граждании Ҷумҳурии Мардумии Чин Ма Бинг ва директори генералии ширкати ҳавопаймоии «China Southern Airlines» Ван Чжэн мулоқот намуд.
Зимни мулоқот масъалаҳои ифтитоҳи парвозҳои мустақим дар хатсайри Душанбе-Пекин-Душанбе ва Душанбе-Гуанжоу-Душанбе ва хати нави ҳавоии аэронавигатсионӣ L181 (AGVUT) мавриди муҳокима қарор гирифт.
Ҳамчунин бо мақсади рушди соҳаи авиатсияи граждании мамлакат ҳамкорӣ байни ширкатҳои ҳавопаймоии Ҷумҳурии Тоҷикистон ва корхонаи истеҳсолкунандаи ҳавопаймоҳои ватании Чин (СОМАС) баррасӣ шуд.
Ма Бинг иброз дошт, ки Маъмурияти авиатсияи граждании Ҷумҳурии Мардумии Чин барои омода намудани мутахассисони ботаҷриба дар тамоми самтҳои соҳавӣ ва вусъат додани ҳамкорӣ бо мақомоти авиатсияи граждании Ҷумҳурии Тоҷикистон омода мебошад.
Баргузории мулоқот дар рушди соҳаи авиатсияи гражданӣ ва манфиатҳои шаҳрвандони Тоҷикистону Чин нақши муассир мегузорад.
АКС: Агентии авиатсияи граждании назди Ҳукумати Ҷумҳурии Тоҷикистон
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
