Кормандони мақомоти милитсияи шаҳри Душанбе ба тамошои Осорхонаи миллии Тоҷикистон рафтанд
ДУШАНБЕ, 06.04.2025 /АМИТ «Ховар»/. Кормандони Раёсати Вазорати корҳои дохилӣ дар шаҳри Душанбе ва шуъбаҳои вазорат дар ноҳияҳои Фирдавсӣ, Шоҳмансур, Исмоили Сомонӣ ва Синои шаҳри Душанбе ба Осорхонаи миллӣ рафта, бо таъриху тамаддуни бостонии миллати тоҷик шинос шуданд.
Ба АМИТ «Ховар» аз Осорхонаи миллии Тоҷикистон иттилоъ доданд, ки роҳбаладон ва ходимони илмии Осорхонаи миллии Тоҷикистон бо кормандони мақомоти милитсия сайрҳои осорхонавӣ гузарониданд.
Кормандони мақомоти милитсияи пойтахт дар толорҳои намоишии Осорхонаи миллӣ бо табиати нотакрору биҳиштосои диёр, таъриху фарҳанги пурғановат, ҳунармандӣ, шоҳкориҳои мусаввирони тоҷик ва дастовардҳои замони соҳибистиқлолӣ аз наздик шинос шуданд.
Таъкид шуд, ки тамошои ёдгориҳои таърихӣ, ки бозгӯи давраҳои гуногуни таърихӣ ва ҷоннисориву қаҳрамониҳои фарзандони барӯманди миллати тоҷик мебошанд, руҳияи ватанпарастию худшиносии ҳар нафар, хосса кормандони мақомоти милитсияро баланд бардошта, дар замири онҳо ҳисси баланди ифтихори миллӣ ва эҳтирому арҷгузорӣ ба осори таърихиро бедор менамояд.
АКС: Осорхонаи миллии Тоҷикистон
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
