Масъалаи ҷалби ширкатҳои эронӣ барои фаъолият дар нахустин IT-парки Душанбе баррасӣ шуд
ДУШАНБЕ, 10.04.2025 /АМИТ «Ховар»/. Масъалаҳои марбут ба омӯзиш ва табодули таҷриба дар раванди фароҳамоварии фазои мусоид барои рушди инноватсия байни Тоҷикистон ва Эрон дар мулоқоти директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо ва Раиси созмони тавсеаи ҳамкории илмӣ ва фанноварии байналмилалӣ, Муовинати илмӣ, фанноварӣ ва иқтисоди донишбунёни назди Президенти Ҷумҳурии Исломии Эрон Амир Ҳурмузинажод дар Душанбе баррасӣ шуданд. Дар ин хусус АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад.
Ҷонибҳо доир ба рушди ҳукумати электронӣ, татбиқи хизматрасониҳои рақамии давлатӣ, савдои электронӣ, имзои электронӣ ва гардиши ҳуҷҷатҳои электронӣ, инчунин ҷалби ширкатҳои эронӣ барои фаъолият дар «Парки технологии маҳсулоти барномавӣ ва технологияҳои иттилоотӣ дар шаҳри Душанбе» ибрози назар намуданд.
Бо пешниҳоди роҳбарияти Агентии инноватсия ва технологияҳои рақамӣ меҳмонон бо ҷараёни фаъолияти нахустин IT-парк дар Тоҷикистон, ки 7 апрел ифтитоҳ гардид, шинос шуданд.
Ҳар ду тараф зарурати истифодаи таҷрибаи ҳамдигарро дар самти бозомӯзии илмӣ-амалии ҷавонон муҳим шумориданд.
Ҷонибҳо барои тақвияти ҳамкории тарафайн вобаста ба муқаррароти Ёддошти тафоҳум байни Муовинати илмӣ, фанноварӣ ва иқтисоди донишбунёни Раёсати Ҷумҳурии Исломии Эрон ва Мақомоти иҷроияи ҳокимияти давлатии шаҳри Душанбе оид ба ҳамкории илмӣ ва фанноварӣ, ки дар доираи сафари кории Раиси Маҷлиси миллии Маҷлиси Олии Ҷумурии Тоҷикистон, Раиси шаҳри Душанбе муҳтарам Рустами Эмомалӣ ба Эрон 7-8 январи соли 2024 имзо шуда буд, ба мувофиқа расиданд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
