Муовини Сарвазири Тоҷикистон Сулаймон Зиёзода бо вазъи соҳаи кишоварзӣ дар ноҳияи Шаҳринав шинос шуд
ШАҲРИНАВ, 09.04.2025 /АМИТ «Ховар»/. 8 апрел муовини Сарвазири Тоҷикистон Сулаймон Зиёзода ва ҳайати гурӯҳи корӣ дар ноҳияи Шаҳринав бо вазъи соҳаи кишоварзӣ шинос шуда, дар маъракаи кишти пунбадонаи хоҷагиҳои деҳқонии «Давлат-2006» ва «Бекмирзобой» иштирок намуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Шаҳринав иттилоъ доданд.
Ба иттилои масъулини шуъбаи кишоварзии ноҳия, дар хоҷагиҳои деҳқонии «Давлат-2006» ва «Бекмирзобой» тибқи дурнамо дар 10 гектар кишти пунбадона гузаронида мешавад. Ҷараёни кишти чигит бо риояи қоидаҳои агротехникӣ идома дорад.
Зимни шиносоӣ бо вазъи соҳаи кишоварзӣ муовини Сарвазири мамлакат ба парвариши боғҳо, коркард ва ғизодиҳии дарахтони мевадиҳанда аҳамияти аввалиндараҷа дод. Ҳайати корӣ дар хоҷагиҳои кишоварзӣ дар Ҷамоати деҳоти ба номи Акрам Ҳасанов бо парвариш ва нашъунамои картошка шинос шуда, ба кишоварзон тарзу усули коркарди байни қаторҳо ва ғизодиҳии он ба таври амалӣ нишон дода шуд.
Меҳмонон бо вазъи парвариши пиёз ва сабзавоти барвақтие, ки дар гармхонаҳо парвариш меёбанд, бахусус помидору бодиринг шинос шуда, ба заҳматкашони ҷамоат барои таъмини амнияти озуқавории мамлакат ва таъмини бозори истеъмолӣ бо маҳсулоти мавриди ниёзи аввал изҳори миннатдорӣ намуданд.
Муовини Сарвазири Тоҷикистон Сулаймон Зиёзода бо масъулини соҳаи кишоварзӣ оид ба боз ҳам рушду ташаккул додани соҳаи кишоварзӣ, истифодаи мақсадноку босамари замин, риояи агротехникию агробиологии он барои расидан ба амнияти озуқуворӣ суҳбат намуд.
АКС: Мақомоти иҷроияи ҳокимияти давлатии ноҳияи Шаҳринав
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
