Намояндаи доимии Тоҷикистон бо ёвари Дабири кулли СММ оид ба корҳои ҷавонон мулоқот намуд
ДУШАНБЕ, 14.04.2025 /АМИТ «Ховар»/. 11 апрел вохӯрии Намояндаи доимии Ҷумҳурии Тоҷикистон дар Созмони Милали Муттаҳид Ҷонибек Ҳикмат бо ёвари Дабири кулли Созмони Милали Муттаҳид оид ба корҳои ҷавонон Фелипе Поллиер баргузор гардид.
Тавре АМИТ «Ховар» бо истинод ба Намояндагии доимии Ҷумҳурии Тоҷикистон дар Созмони Милали Муттаҳид хабар медиҳад, зимни мулоқот ҷонибҳо оид ба пешбурди рӯзномаи ҷаҳонии ҷавонон ва таҳкими ҳамкорӣ байни Тоҷикистон ва Дафтари ҷавонони Созмони Милали Муттаҳид гуфтугӯи судманд анҷом доданд.
Таваҷҷуҳи махсус ба мавзуи мусоидат ба иштироки пурмазмуни ҷавонон ҳам дар сатҳи миллӣ ва ҳам дар сатҳи байналмилалӣ, аз ҷумла дар заминаи татбиқи Стратегияи ҷавонон-2030-и Созмони Милали Муттаҳид ва пайгирии Саммити оянда дода шуд.
Ҷонибҳо ҳамчунин доир ба талошҳои Тоҷикистон дар заминаи тавонмандсозии ҷавонон, тарғиби тарзи ҳаёти солим тавассути сармоягузорӣ ба инфрасохтори варзишӣ ва саҳми мамлакат дар қабули қатъномаи Маҷмаи Умумии Созмони Милали Муттаҳид оид ба эълони Рӯзи ҷаҳонии футбол табодули назар намуданд.
Дар робита ба ин, ҷонибҳо роҳҳои густариши ҳамкорӣ, аз ҷумла ташаббусҳои муштаракро, ки ба густариши ҷалби ҷавонон, баланд бардоштани иқтидори онҳо ва мусоидат ба ҷалби фаъолонаи онҳо дар ҳалли мушкилоти глобалӣ, бахусус дар соҳаи об, тағйирёбии иқлим ва рушди устувор равона шудаанд, баррасӣ намуданд.
АКС: Намояндагии доимии Ҷумҳурии Тоҷикистон дар Созмони Милали Муттаҳид
Сироҷиддин Муҳриддин дар ҷаласаи Шурои вазирони корҳои хориҷии давлатҳои аъзои Созмони ҳамкории Шанхай иштирок намуд
Густариши робитаҳои молиявии Тоҷикистон ва Қатар мавриди муҳокима қарор гирифт
Байни мақомоти стандартизатсияи Тоҷикистон ва Узбекистон «Харитаи роҳ» омода карда мешавад
Ҳамкорӣ байни Тоҷикистон ва Узбекистон дар соҳаи таҳсилоти томактабӣ ва миёнаи умумӣ баррасӣ гардид
Сафири Тоҷикистон бо раиси Агентии маълумот ва зеҳни сунъии Арабистони Саудӣ мулоқот намуд
Сафири Тоҷикистон бо роҳбари Институти дипломатии Кувайт ба номи Сауд Ан-Носир Ас-Сабоҳ мулоқот намуд
Хуттали Қадим ба Феҳристи мероси ҷаҳонии ЮНЕСКО ворид гардид
Сироҷиддин Муҳриддин бо роҳбарияти Дафтари Швейтсария оид ба ҳамкорӣ мулоқот намуд
Дар Душанбе Муколамаи сатҳи баланд оид ба сиёсат ва амният байни Иттиҳоди Аврупо ва Осиёи Марказӣ баргузор гашт
Дар Душанбе тавофуқоти ҳосилшуда зимни нахустин Саммити Осиёи Марказӣ ва Иттиҳоди Аврупо баррасӣ гардид
Дар Остона намоиши молу маҳсулоти кишоварзӣ ва саноатии Тоҷикистон баргузор мегардад
Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ мулоқот намуд
