Раиси Маҷлиси намояндагони Тоҷикистон дар Тошканд якчанд мулоқоти дуҷониба анҷом дод
ДУШАНБЕ, 07.04.2025 /АМИТ «Ховар»/. Дар ҳошияи ҷаласаи Ассамблеяи 150-уми Иттиҳоди байнипарлумонӣ (IPU) имрӯз дар шаҳри Тошканди Ҷумҳурии Узбекистон Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода якчанд мулоқоти дуҷониба анҷом дод.
Тавре ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод, имрӯз дар мулоқот бо Раиси Маҷлиси Шурои Давлати Қатар Ҳасан бин Абдуллоҳ Ал-Ғоним масъалаҳои амиқсозии ҳамкории дуҷониба ва густариши робитаҳои байнипарлумонӣ баррасӣ шуданд.
Файзалӣ Идизода аҳамияти ҳамкории парлумонҳои ду давлатро таъкид карда, барои идомаи робитаҳои фаъол дар қолабҳои дуҷониба ва бисёрҷониба изҳори омодагӣ намуд.
Дар ин рӯз зимни мулоқоти Файзалӣ Идизода ва Раиси Палатаи қонунбарории Олий Мажлиси Ҷумҳурии Узбекистон Нуриддин Исмоилов масъалаҳои дурнамои рушди муносибатҳо байни Маҷлиси намояндагон ва Парламенти Узбекистон муҳокима шуданд.
Аз ҷумла, зарурати густариши муносибатҳои байнипарлумонии ду ҷумҳурии бо ҳам дӯсту ҳамсоя баррасӣ гардид.
Ҷонибҳо инчунин ба мувофиқа расиданд, ки ҳамкории байнипарлумонӣ ва ҳамкорӣ байни палатаҳои поёнии ду мамлакат тавассути сафарҳо ва ҳамоишҳои гуногун густариш дода шавад.
АКС: Маҷлиси намояндагони Маҷлиси Олии Ҷумҳурии Тоҷикистон
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
