Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ баррасӣ шуд
ДУШАНБЕ, 25.04.2025 /АМИТ «Ховар»/. Раванди панҷ ҳуҷҷати банақшагирии стратегӣ дар ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ, ки таҳти роҳбарии муовини Вазири рушди иқтисод ва савдо Аҳлиддин Нуриддинзода дар Душанбе баргузор гардид, баррасӣ шуд. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ иттилоъ медиҳад.
Дар ҷаласа намояндагони вазорату идораҳои дахлдор иштирок намуда, раванди панҷ ҳуҷҷати банақшагирии стратегӣ, аз ҷумла «Нақшаи амал барои солҳои 2024-2026 «Стратегияи ҳифзи солимии аҳолии Ҷумҳурии Тоҷикистон барои давраи то соли 2030»», «Консепсияи ташкил ва рушди кластерҳои агросаноатӣ дар Ҷумҳурии Тоҷикистон то соли 2040», «Барномаи давлатии рушди
низоми логистика дар Ҷумҳурии Тоҷикистон барои солҳои 2023-2028», «Барномаи касбомӯзии шаҳрвандони Ҷумҳурии Тоҷикистон барои солҳои 2021-2025», «Барномаи бехатарӣ аз сӯхтор барои солҳои 2021-2025»-ро баррасӣ намуданд.
Оид ба ҷараёни татбиқи ин ҳуҷҷатҳо аз ҷониби роҳбарият ва кормандони масъули вазоратҳои тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, нақлиёт, корҳои дохилӣ ва Академияи илмҳои кишоварзии Тоҷикистон рӯнамо пешниҳод гардид.
Гуфта шуд, ки тибқи Нақшаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ соли 2025 ҷараёни иҷрои 31 ҳуҷҷати банақшагирии стратегии сатҳи соҳавӣ ва 59 ҳуҷҷати сатҳи маҳаллӣ мавриди муҳокима қарор мегирад. Аз натиҷаи онҳо гузориши муфассал ба Ҳукумати Ҷумҳурии Тоҷикистон пешниҳод хоҳад шуд.
АКС: Вазорати рушди иқтисод ва савдои Ҷумҳурии Тоҷикистон
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
