ТАҚВИМИ АМИТ «ХОВАР»: имрӯз 26 апрел, шанбе, 116-умин рӯзи соли 2025 аст

26 апрели соли 1986 дар Неругоҳи ҳастаии Чернобил садама ба амал омад, ки мудҳиштарин садамаи ядроӣ  дар таърих  маҳсуб мешавад.

***

26 апрели соли 2010 дар шаҳри Душанбе бо иштироки ҳунармандони санъати мусиқии Иттиҳоди Давлатҳои Мустақил консерт баргузор гардид.

***

26 апрели соли 2012 Президенти Ҷумҳурии Тоҷикистон муҳтарам Эмомалӣ Раҳмон аз Сафири нави Ҷумҳурии Озарбойҷон дар Тоҷикистон Аббосалӣ Карим уғлу Гасанов ва Сафири нави Британияи Кабир дар Тоҷикистон Робин Ҷереми Орд- Смит эътимоднома қабул намуданд.

***

26 апрели соли 2013 Сарвари давлат муҳтарам  Эмомалӣ Раҳмон мушовири давлатии Конфедератсияи Швейтсария Айвес Россиераро ба ҳузур пазируфтанд.

***

26 апрели соли 2018 гуфтушуниди сиёсии Вазорати корҳои хориҷии Тоҷикистон ва Вазорати корҳои хориҷии Ҷумҳурии Исломии Покистон доир шуд.

***

Дар ин рӯзи соли 2019  Президенти Ҷумҳурии Тоҷикистон муҳтарам Эмомалӣ Раҳмон ва  Президенти Ҷумҳурии Озарбойҷон Илҳом Алиев зимни мулоқот дар ҳошияи Форуми дуюми ҳамкории байнламилалии «Як камарбанд-як роҳ» дар Чин вазъи феълии робитаҳои дӯстию ҳамкорӣ, рушду густариши робитаҳо дар бахшҳои нақлиёту транзит, кишоварзӣ ва  таъминоти сӯзишвориро  мавриди баррасӣ  қарор доданд.

***

 26 апрели соли 2019 Портали савдои Тоҷикистон-WWW. TAJTRАDE.TJ расман ифтитоҳ гардид.

***

26 апрели соли 2021  Президенти Ҷумҳурии Тоҷикистон муҳтарам Эмомалӣ Раҳмон дар иҷлосияи 77-уми Комиссияи иқтисодӣ ва иҷтимоии Созмони Милали Муттаҳид барои давлатҳои Осиё ва Уқёнуси Ором оид ба татбиқи Ҳадафҳои рушди устувор дар мавзуи  «Барқарорсозӣ пас аз буҳрон дар асоси усули «аз пештара ҳам хубтар» ва ҳамкории минтақавӣ дар Осиё ва Уқёнуси Ором», ки дар шакли маҷозӣ баргузор гардид, иштирок ва суханронӣ намуданд.

***

26 апрели соли 2022 таҳти раёсати Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд.

***

26 апрели соли 2023  зимни сафари корӣ дар ноҳияи Данғара Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳия бо ҷараёни корҳои сохтмонӣ дар бинои Донишгоҳи давлатии тиббии Хатлон шинос шуданд.

***

Дар ин рӯзи соли 2024 Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Ватикан бо Котиби давлатии Ватикан Кардинал Петро Паролин ва Попи Рим мулоқот намуданд. Инчунин баъди анҷоми мулоқот аз Осорхонаи Ватикан боздид намуданд.

***

Дар ин рӯзи соли 2024 сафари расмии Президенти Ҷумҳурии Тоҷикистон муҳтарам Эмомалӣ Раҳмон, ки аз 22 то 26 апрел дар Ҷумҳурии Италия ва Ватикан ҷараён дошт, ба анҷом расид.

***

26 апрели соли 2024 дар шаҳри Душанбе Фестивали бозиҳои миллии варзишӣ баргузор гардид.

26 АПРЕЛ:

Рӯзи байналмилалии поси хотири қурбониёни садамаи Чернобил.

***

Рӯзи умумиҷаҳонии моликияти зеҳнӣ.

ДАР ИН РӮЗ ТАВАЛЛУД ШУДААНД:

Дилбар Умарова -соли 1949- ҳунарпешаи театру кино, Ҳунарпешаи халқии Тоҷикистон, аъзои Иттифоқи кинематографистони Тоҷикистон.