«ТОЗАГИИ СОҲИЛ». Дар соҳили дарёи Сир ҳашари тозагӣ гузаронида шуд
ДУШАНБЕ, 22.04.2025 /АМИТ «Ховар»/. 19 апрел дар соҳили дарёи Сир ҳашари вилоятии «Тозагии соҳил» гузаронида шуд, ки дар он донишҷӯёну устодони Коллеҷи тиббии шаҳри Хуҷанд ба номи Юсуф Исҳоқӣ фаъолона иштирок намуданд.
Тавре АМИТ «Ховар» бо истинод ба Коллеҷи тиббии шаҳри Хуҷанд хабар медиҳад, ҳашарчиён атрофи соҳилро аз партовҳо поккорӣ намуда, дар ободу зебо нигоҳ доштани муҳити зист саҳм гузоштанд.
Ҳадафи асосии иқдом — тоза нигоҳ доштани муҳити зист, таъмини тозагиву озодагӣ дар атрофи соҳили дарёи Сир ва ҷалби ҳарчи бештари сокинон, бахусус ҷавонон ба корҳои ҷамъиятӣ мебошад.
Иқдоми «Тозагии соҳил» яке аз ташаббусҳои муҳим дар самти дастгирии сиёсати давлатии экологӣ маҳсуб шуда, намунаи ибратбахши иштироки шаҳрвандон, хусусан насли наврасу ҷавон дар раванди созандагиву ободонӣ мебошад.
АКС: Коллеҷи тиббии шаҳри Хуҷанд ба номи Ю. Исҳоқӣ
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
