Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
ДУШАНБЕ, 08.05.2025 /АМИТ «Ховар»/. 7 май таҳти роҳбарии Вазири рушди иқтисод ва савдо Завқӣ Завқизода ва Сафири Фавқулода ва Мухтори Ҷумҳурии Корея дар Ҷумҳурии Тоҷикистон Чон Сун Сик аввалин ҷаласаи ҳамоҳангсозии Ҷумҳурии Тоҷикистон ва Ҷумҳурии Корея баргузор гардид. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Завқӣ Завқизода иброз намуд, ки сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои рушди ҳамкории Тоҷикистону Корея заминаи устувор фароҳам овардааст. Маҳз бо шарофати ин сиёсати хирадмандона сатҳи эътимоди мутақобил боло рафта, шароити мусоид барои ҷалби маблағгузорӣ ба лоиҳаҳои афзалиятноки соҳаҳои иқтисоди миллӣ ва татбиқи лоиҳаҳои муштарак фароҳам гардидааст.
Ҷумҳурии Корея шарики боэътимод ва дарозмуддати Ҷумҳурии Тоҷикистон буда, ҳамкорӣ бо ин кишвар дар даҳсолаи охир босуръат рушд намуд. Лоиҳаҳои сармоягузории он ба беш аз 73 миллион доллар расидаанд.
Зимни ҷаласа аз ҷониби Завқӣ Завқизода муҳиммияти тавсеаи ҳамкорӣ дар доираи лоиҳаҳои мавҷудаи Агентии Корея оид ба ҳамкории байналмилалӣ (KOICA) таъкид гардида, пешниҳодҳои мушаххас вобаста ба сармоягузорӣ ва инфрасохтори лоиҳаҳои афзалиятнок, аз ҷумла таъсиси Маркази рақамии хизматрасониҳо дар назди вазорат, сохтмони неругоҳҳои барқи офтобӣ дар минтақаҳои дурдаст, бунёди гармхонаҳои муосир, мустаҳкамсозии соҳил ва идоракунии обёрӣ, бунёди маркази омӯзиши фаннӣ ва техникии соҳаи нассоҷӣ, таъсиси парки саноатии муштарак дар минтақаҳои озоди иқтисодӣ, рушди логистикаи содиротӣ ва рушди илму таҳқиқот манзур карда шуданд.
Дар анҷоми мулоқот ҷонибҳо ба мувофиқа расиданд, ки барои таъмини назорати доимии иҷрои лоиҳаҳо ва таҳкими минбаъдаи ҳамкории иқтисодӣ ва сармоягузорӣ муколамаи мунтазамро идома медиҳанд.
АКС: Вазорати рушди иқтисод ва савдои Ҷумҳурии Тоҷикистон
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
Корхонаи тухмипарварии ноҳияи Файзобод ба кишоварзон 400 тонна тухмиҳои гуногуни картошка пешниҳод намуд
Дар шаҳри Душанбе намоишгоҳи ҷойҳои кории холӣ баргузор карда шуд
Дар ноҳияи Восеъ ҷамъоварии ҳосили гандум идома дорад
Ифтитоҳи хатсайри Душанбе-Пекин қадами стратегӣ дар самти дастгирии ташаббуси «Як камарбанд – як роҳ» мебошад
Гурӯҳи кории муштараки Тоҷикистону Чин оид ба зеҳни сунъӣ таъсис дода мешавад
Дар Суғд дар мавзуи ҳамкории фаромарзӣ дар соҳаи об машғулияти омӯзишӣ гузаронида шуд
