Ҳамкории гумрукӣ байни Тоҷикистон ва Эрон дар Шероз баррасӣ шуд
ДУШАНБЕ, 06.05.2025 /АМИТ «Ховар»/. Масъалаҳои мубрами марбут ба ҳамкории гумрукӣ байни Тоҷикистон ва Эрон дар мулоқоти муовини якуми Сардори Хадамоти гумруки назди Ҳукумати Ҷумҳурии Тоҷикистон Азим Турсунзода бо муовини Раиси Маъмурияти гумруки Ҷумҳурии Исломии Эрон Абулфазл Акбарпур дар шаҳри Шероз баррасӣ гардиданд, иттилоъ медиҳад АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон.
Мулоқот дар ҳошияи ҷаласаи 17-уми Комиссияи муштараки байниҳукуматии Ҷумҳурии Тоҷикистон ва Ҷумҳурии Исломии Эрон дар шаҳри Шероз баргузор гардид.
Зимни мулоқот ҷонибҳо доир ба ҳамкории гумрукӣ, аз ҷумла такмили механизмҳои мубодилаи иттилооти гумрукӣ, мубориза бо қонуншиканиҳо ва қочоқ, содагардонии расмиёти гумрукӣ дар чаҳорчӯби густариши тиҷорати хориҷӣ мубодилаи афкор намуданд. Ҷонибҳо таъкид намуданд, ки барои таҳкими ҳамкории амалӣ, рушди мубодилаи иттилооти гумрукӣ ва ҳамоҳангсозии чораҳо дар амалиёти назорати гумрукӣ омодагии комил доранд.
Инчунин мусоҳибон зарурати таҳкими ҳамкории амалии гумрукиро таъкид карда, барои татбиқи иқдоми мушаххас ба манзури сода ва муассир гардонидани расмиёти гумрукӣ ва рушди тиҷорати хориҷӣ байни ду давлат ба мувофиқа расиданд.
АКС: Хадамоти гумруки назди Ҳукумати Ҷумҳурии Тоҷикистон
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
Дар вилояти Суғд зеристгоҳи барқии «Ёва» бо иқтидори 110/35/10 кВ ба истифода дода мешавад
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
