Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
ДУШАНБЕ, 08.05.2025 /АМИТ «Ховар»/. Президенти Бонки Осиёии рушд Масато Канда бори дигар омодагии бонкро барои ҷудо намудани 500 миллион доллари амрикоӣ ҷиҳати идома додани сохтмони Неругоҳи барқи обии «Роғун» дар мулоқоташ бо муовини якуми Сарвазири Ҷумҳурии Тоҷикистон Ҳоким Холиқзода тасдиқ намуд, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.
Мулоқот дар ҳошияи ҷаласаи 58-уми солонаи Бонки Осиёии рушд дар шаҳри Милани Италия баргузор гардид. Ҷонибҳо ҷанбаҳои гуногуни ҳамкории дуҷонибаи Ҷумҳурии Тоҷикистон ва Бонки Осиёии рушдро баррасӣ намуда, таваҷҷуҳи махсусро ба дастгирии лоиҳаҳои сармоягузории соҳаи энергетикаи Тоҷикистон, хусусан идомаи сохтмони Неругоҳи барқи обии «Роғун» зоҳир намуданд.
Гуфта шуд, ки татбиқи саривақтии лоиҳаи сохтмони Неругоҳи барқи обии «Роғун» ба амалишавии ҳадафҳои муштарак дар самти таъмини неруи барқи “сабз” ва арзон, идоракунии устувори об, коҳиш додани хатари обхезию хушксолӣ ва партовҳои гази карбон ба атмосфера мусоидат намуда, ҳамчунин имкониятро барои рақамикунонии босуръат, саноатикунонии мамлакат ва ба ин васила таъсиси ҳазорҳо ҷойи нави кор фароҳам месозад.
Ҳамзамон дар “Стратегияи навбатии шарикии Ҷумҳурии Тоҷикистон ва Бонки Осиёии рушд барои солҳои 2026-2030” ба инобат гирифтани маблағгузории лоиҳаҳои нави афзалиятноки сармоягузорӣ дар соҳаҳои энергетика, нақлиёт, сайёҳӣ, маориф, тандурустӣ, кишоварзӣ ва экология бо назардошти дар онҳо ба инобат гирифтани рақамикунонии ин соҳаҳо муҳим арзёбӣ гардид.
Бонки Осиёии рушд яке аз шарикони асосии рушди Тоҷикистон буда, давоми солҳои ҳамкорӣ аз соли 1998 то инҷониб ҳудуди 200 лоиҳаро ба маблағи беш аз 2,7 миллиард доллари амрикоӣ дар Ҷумҳурии Тоҷикистон маблағгузорӣ намудааст. Дар айни замон Бонки Осиёии рушд 19 лоиҳаро дар Тоҷикистон ба маблағи умумии беш аз 1,0 миллиард доллари амрикоӣ дастгирӣ менамояд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
