Дар Донишгоҳи давлатии молия ва иқтисоди Тоҷикистон озмуни «Беҳтарин донандаи Кодекси андоз» баргузор шуд
ДУШАНБЕ, 02.05.2025 /АМИТ «Ховар»/. 1 май дар Донишгоҳи давлатии молия ва иқтисоди Тоҷикистон Озмуни ҷумҳуриявии «Беҳтарин донандаи Кодекси андози Ҷумҳурии Тоҷикистон» бо мақсади баланд бардоштани маърифати андозсупорӣ, дастгирии соҳибкорӣ ва донишҳои назариявии донишҷӯёни муассисаҳои таҳсилоти олӣ баргузор шуд. Дар ин хусус АМИТ «Ховар» бо истинод ба ин донишгоҳ хабар медиҳад.
Дар озмун, ки бо ташаббуси Кумитаи андози назди Ҳукумати Ҷумҳурии Тоҷикистон дар якҷоягӣ бо Донишгоҳи давлатии молия ва иқтисоди Тоҷикистон баргузор шуд, 120 донишҷӯ аз 14 муассисаи таҳсилоти олии касбие, ки дар онҳо ихтисоси андоз ва андозбандӣ таълим дода мешавад, иштирок намуданд.
Иштирокчиёни озмун аз рӯйи ду номинатсия: «Даставӣ-амалӣ» ва «Даставӣ-назариявӣ» рақобат намуданд. Озмун имрӯз ҷамъбаст шуда, ба ғолибон Ифтихорнома ва туҳфаҳо супорида мешавад.
Зимни ифтитоҳи озмун иброз гардид, ки «баргузории озмуни «Беҳтарин донандаи Кодекси андоз» дар Донишгоҳи давлатии молия ва иқтисоди Тоҷикистон ба ҳукми анъана даромадааст ва таваҷҷуҳ ба ин озмун сол то сол зиёд мегардад. Бо назардошти он, ки дар пешбурди сиёсати андозӣ мутахассисони варзида зарур ҳастанд, Донишгоҳ низ дар баробари дигар муассисаҳои таълимии ҷумҳурӣ дар омодасозии мутахассисони соҳа саҳм мегузорад ва бештари кормандони мақомоти андозро хатмкунандагони он ташкил медиҳанд».
Таъкид карда шуд, ки «мақсади баргузории озмун тарғиби сиёсати андоз ва андозбандӣ ҳамчун поягузори давлат, дарки масъалаҳои андозбандӣ ва баланд бардоштани маърифати андозсупорӣ мебошад.
АКС: Донишгоҳи давлатии молия ва иқтисоди Тоҷикистон
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
