Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ДУШАНБЕ, 08.05.2025 /АМИТ «Ховар»/. 8 май дар яке аз қисмҳои ҳарбии Қушунҳои сарҳадии Кумитаи давлатии амнияти миллии Ҷумҳурии Тоҷикистон чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд, хабар медиҳад АМИТ «Ховар» бо истинод ба Кумитаи иҷроияи марказии Ҳизби Халқии Демократии Тоҷикистон.
Дар чорабини муовини якуми Раиси Ҳизби Халқии Демократии Тоҷикистон Маликшо Неъматзода, раиси Кумитаи иҷроияи ҲХДТ дар шаҳри Душанбе Абдураҳим Шоҳиён ва раиси Кумитаи иҷроияи ҲХДТ дар ноҳияи Шоҳмансур Нилуфар Каримзода ва ҳайати дигари меҳмонон ва аъзои намояндагии Ташкилоти ҷамъиятии ҷавонон «Созандагони Ватан» иштирок намуда, бо вазъи хизмат ва шароити будубоши сарбозон дар қисми ҳарбӣ, инчунин аз Осорхонаи Пешвои миллат дар қисми ҳарбии мазкур, китобхона, ошхона ва сехи дузандагии қисми ҳарбӣ шинос шуданд.
Муовини якуми Раиси Ҳизби Халқии Демократии Тоҷикистон Маликшо Неъматзода, таъкид намуд, ки дар солҳои Ҷанги дуюми ҷаҳон, ки қаламрави тамоми кишварҳои аъзои Иттиҳоди Шӯравиро вазъияти ниҳоят ҳам мудҳишу мураккабе фаро гирифта буд, ҳазорон нафар аз ҷавонмардони тоҷик дар қатори дигар халқу миллатҳои бо ҳам дӯсту бародари кишварҳои аъзо ин Иттиҳод, дур аз зодгоҳи худ, дур аз оила ва хонаву ҷову макони худ баҳри ҳифозати ҳар як ваҷаб хоки ин сарзамин бо душман қаҳрамонона ҷангиданд ва ин корнамоиҳои қаҳрамононаи фарзандони халқи тоҷик барои наслҳои имрӯзу фардои кишвар намунаи ибрат хоҳад буд.
Инчунин, дар рафти чорабинӣ оид ба масъалаҳои мубрами рӯз, аз қабили тарбияи насли наврас дар рӯҳияи худшиносиву худогоҳии миллӣ, ватандӯстиву ҳифзи муқаддасоти миллӣ, эҳтироми калонсолон, пос доштани арзишҳои миллӣ, ҳамзамон, оид ба гаравидани ҷавонони ноогоҳ ба ҳизбу ҳаракатҳои экстремистиву ифротӣ ва амсоли ин масъалаҳои муҳим сухан рафт.
Дар идома, як гуруҳ сарбозоне, ки дар рафти адои хизмати ҳарбӣ аз худ эҳсоси баланди масъулиятнокӣ нишон дода, пайваста аз худ фаъолияти баланди хизматӣ нишон медиҳанд, бо туҳфаҳои хотиравӣ қадрдонӣ карда шуданд.
Сипас ҷиҳати болидахотирӣ ва боз ҳам рӯҳбаланд сохтани сарбозон, дар саҳни қисми ҳарбӣ, дар фазои идона бо иштироки санъаткорон барномаи фарҳангӣ доир карда шуд.
АКС: Кумитаи иҷроияи марказии Ҳизби Халқии Демократии Тоҷикистон
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
