Дар ноҳияи Ҷаббор Расулов 9 анбор барои захираи пиёз фаъолият доранд
ДУШАНБЕ, 13.05.2025. /АМИТ «Ховар»/. Дар ноҳияи Ҷаббор Расулов 9 нуқтаи асосӣ- анбор барои захираи пиёз фаъолият доранд. Ин анборҳо аз тарафи соҳибкорон ва кишоварзон бо мақсади захира ва содироти маҳсулот бунёд гардидаанд. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
То 10 май дар анборҳои ноҳия беш аз 2100 тонна пиёзи барвақтӣ захира шудааст. Ба ноҳия асосан аз вилояти Хатлон, аз ҷумла аз ноҳияҳои Шаҳритус, Ҷайҳун ва шаҳри Турсунзода пиёз ворид карда мешавад.
Дар Ҷамоати шаҳраки Меҳрободи ноҳияи Ҷаббор Расулов анбори нуқтаи захираи пиёз фаъолият менамояд. Ин анбор соли 2016 аз ҷониби соҳибкори маҳаллӣ Мирҷамол Ҷамолов таъсис ёфта, соли 2021 бо иштироки Президенти Ҷумҳурии Тоҷикистон муҳтарам Эмомалӣ Раҳмон ба истифода дода шудааст. Анбор аз ду минтақа иборат буда, масоҳати умумияш 1,17 гектарро ташкил медиҳад.
Пиёзи дар ин анбор қабулу нигоҳдорӣ ва бандубастшуда ба Федератсияи Русия содирот карда мешавад.
Дар моҳҳои май ва июн беш аз 6 ҳазор тонна пиёз дар иншоот захира гардида, ба хориҷи мамлакат содирот карда мешавад. Инчунин дар мавсими тирамоҳ — моҳҳои октябр ва ноябр дар анбор 1000 тонна пиёз барои зимистонгузаронӣ нигоҳ дошта мешавад.
АКС: Хадамоти матбуоти Раиси вилояти Суғд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
Дар Тоҷикистон ҳаҷми истеҳсоли маҳсулоти кишоварзӣ 8,5 фоиз афзоиш ёфтааст
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
Дар ноҳияи Ҷайҳун ҷамъоварии сабзӣ идома дорад
МАВСИМИ ХУРМО ФАРО РАСИД. Аз истеъмоли ин мева барои саломатӣ истифода бояд бурд
Барои кишти соли 2027 беш аз 218 ҳазор тонна картошкаи тухмӣ захира мегардад
