Форуми ҷавонони ноҳияи Фирдавсии шаҳри Душанбе баргузор шуд
ДУШАНБЕ, 19.05.2025. /АМИТ «Ховар»/. Бахшида ба Рӯзи ҷавонони Тоҷикистон дар Донишгоҳи байналмилалии сайёҳӣ ва соҳибкории Тоҷикистон таҳти унвони «Ҷовидон бод ҷавонӣ ва ҷавонони Тоҷикистон» Форуми ҷавонони ноҳияи Фирдавсии шаҳри Душанбе баргузор гардид. Дар ин хусус ба АМИТ «Ховар» аз Кумитаи иҷроияи Ҳизби Халқии Демократии Тоҷикистон хабар доданд.
Иштирокчиёни форум ба хотири арҷгузорию эҳтиром ва гиромидошти хизматҳои арзишманди шоири тавоно дар доираи тақдими «Шоҳнома» ба сокинони мамлакат ба пояи муҷассамаи Ҳаким Абдулқосим Фирдавсӣ, воқеъ дар Боғи фарҳангӣ-фароғатии ба номи Абулқосим Фирдавсӣ гулчанбар гузоштанд.
Меҳмонон ҳамзамон бо намоиши дастовардҳои ҷавонони ноҳияи Фирдавсӣ шинос шуда, дар бахши сиёсию фарҳангии форум оид ба сиёсати давлатии ҷавонон, дастгирии ҳамаҷонибаи онҳо, ҷалби ҷавонони лаёқатманд ба идоракунии давлатӣ ва пешбарии онҳо ба мансабҳои роҳбарикунанда, ҳамчунин ғамхории пайвастаи Ҳукумати мамлакат, бахусус роҳбарияти олии мамлакат сухан намуданд.
Дар доираи форум чорабинию озмунҳо баргузор гардида, ғолибон дар вазъияти тантанавӣ бо Диплом ва туҳфаҳои Кумитаи иҷроияи ҳизб дар ноҳияи Фирдавсӣ қадрдонӣ карда шуданд.
Илова бар ин, як зумра ҷавонони фаъоли ноҳияи Фирдавсӣ бо Ифтихорнома ва Сипосномаи Кумитаи иҷроияи ҳизб дар ноҳияи Фирдавсӣ сарфароз гардонида шуданд.
Дар идома ба ҷавононе, ки нав ба сафи Ҳизби Халқии Демократии Тоҷикистон дохил шудаанд, дар вазъияти тантанавӣ шаҳодатномаи ҳизбӣ супорида шуд.
Ёдовар мешавем, ки дар доираи баргузории форум конференсияи илмӣ-назариявӣ таҳти унвони «Тарбияи ватандӯстӣ ва масъулияти шаҳрвандии ҷавонон: таҷриба, методология ва дурнамо», маҳфили илмӣ-адабӣ таҳти унвони «Бо ҳам китоб мехонем», озмуни умуминоҳиявӣ таҳти унвони «Беҳтарин донандаи забонҳои хориҷӣ», шоу-барномаи фарҳангӣ, дидорбинии сарбозону афсарон, тамошои IT – Парки шаҳри Душанбе аз ҷониби ҷавонон, мусобиқаҳои варзишӣ, аксияву ҳамоиш ва дигар чорабиниҳои сиёсию фарҳангӣ баргузор гардиданд.
АКС: Кумитаи иҷроияи Ҳизби Халқии Демократии Тоҷикистон
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
