Менеҷери лоиҳаҳои Агентии байналмилалии неруи атомӣ бо фаъолияти Маркази саратоншиносӣ дар Душанбе, Кӯлоб ва Хуҷанд шинос шуд
ДУШАНБЕ, 02.05.2025 /АМИТ «Ховар»/. Менеҷери лоиҳаҳои Агентии байналмилалии неруи атомӣ (АБНА) дар Тоҷикистон, мудири шуъбаи ҳамкории техникии Аврупо ва Осиёи Марказӣ дар назди ин Агентӣ Сандра Стейскал Мари бо ду коршиноси байналмилалӣ дар доираи сафар ба Ҷумҳурии Тоҷикистон бо Маркази саратоншиносии шаҳрҳои Душанбе, Кӯлоб ва Хуҷанд шинос шуда, зимни мулоқот бо масъулин доир ба фаъолияти ин марказҳо ва роҳҳои муассири пешгирию табобати бемориҳои саратон суҳбат намуданд. Дар ин хусус ба АМИТ «Ховар» аз Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон хабар доданд.
Давоми моҳҳои феврал-марти соли 2025 ба ин марказҳо дастгоҳҳои муосири ташхиси рентгении рақамӣ супорида шуданд. Ин таҷҳизоти муосири тиббӣ бо мусоидати Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон, ки ҳамоҳангсози миллии Агентии байналмилалии неруи атомӣ дар Тоҷикистон аст, дастрас гардид. Табибон бо истифода аз ин дастгоҳҳо имкон доранд, ки сари вақт дар самти бемориҳои саратон ташхис гузаронида, бемориро дар марҳилаи аввал муайян намуда, ба табобати беморони гирифтори саратон шуруъ намоянд. Ҳамзамон ин раванд дар татбиқи барномаҳои миллии Ҷумҳурии Тоҷикистон оид ба мубориза бар зидди бемориҳои саратон саҳми назаррас мегузорад.
Пас аз шиносоӣ бо марказҳои саратоншиносӣ дар шаҳрҳои Душанбе, Кӯлоб ва Хуҷанд намояндаи Агентии байналмилалии неруи атомӣ Сандра Стейскал Мари бо муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода мулоқот намуд.
Зимни суҳбат масъалаи барномаҳои миллӣ ва стратегӣ бар зидди бемориҳои саратоншиносӣ ва ҳамкории минбаъдаи Ҷумҳурии Тоҷикистон дар самти тандурустӣ бо Агентии байналмилалии неруи атомӣ мавриди баррасӣ қарор гирифт.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
