Муовини Раиси Маҷлиси намояндагон бо ҳайати Шоҳигарии Белгия мулоқот намуд
ДУШАНБЕ, 30.05.2025 /АМИТ «Ховар»/. 29 май муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо Президент, мудири иҷроияи маҷаллаи «Diplomatic World», ҳаммуассиси Институти «Diplomatic World» Барбара Дитрих ва мудири барномаи «Diplomatic World» Алберто Тукстра мулоқот намуд. Дар ин хусус ба АМИТ «Ховар» аз Маҷлиси намояндагон хабар доданд.
Мавсума Муинӣ иброз намуд, ки «Тоҷикистон Иттиҳоди Аврупоро яке аз шарикони муҳим барои рушд медонад. Мо аз Иттиҳоди Аврупо барои кумакҳои пайвастааш дар рушди иқтисодию иҷтимоӣ, ҷалби сармояи хориҷӣ ба соҳаҳои афзалиятноки иқтисоди миллӣ, аз ҷумла энергетика, кишоварзӣ, рушди иҷтимоӣ, ҳифзи муҳити зист ва дипломатияи об изҳори сипос менамоем».
«Тоҷикистон кӯшиш менамояд, ки ҳамкории дарозмуддат ва устувори мутақобили судмандро бо Иттиҳоди Аврупо ва Парламенти Аврупо дар асоси принсипи баробарҳуқуқӣ, ҳамдигарфаҳмӣ, эҳтиром ва эътимод ба ҳамдигар ривоҷ диҳад. Дар 6 соли охир мо шоҳиди гармшавии бесобиқаи иқлим гаштем, ки хушксолӣ, обхезӣ ва дигар ҳодисаҳои нохуш, инчунин хисороти зиёд ба бор овард. Соли 2025 бо ташаббуси Президенти Ҷумҳурии Тоҷикистон муҳтарам Эмомалӣ Раҳмон аз тарафи Маҷмаи Умумии Созмони Милали Муттаҳид Соли ҳифзи пиряхҳо эълон шуда, қатънома қабул гардид»,- гуфт Мавсума Муинӣ.
Иброз гардид, ки тибқи Ёддошти тафоҳум байни Маҷлиси намояндагони Маҷлиси Олии Ҷумҳурии Тоҷикистон ва Сенати Шоҳигарии Белгия гурӯҳи дӯстӣ таъсис дода шудааст.
Бахшида ба 30-солагии Истиқлолияти давлатии Ҷумҳурии Тоҷикистон як шумораи маҷаллаи бонуфузи «Diplomatic World» пурра ба Тоҷикистон бахшида шудааст.
АКС: Маҷлиси намояндагони Маҷлиси Олии Ҷумҳурии Тоҷикистон
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома ба тасвиб расид
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Вакилони Маҷлиси намояндагон барои иштирок дар барномаи табодули байнипарлумонӣ ба Амрико сафар намуданд
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор шуд
