Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
ДУШАНБЕ, 09.05.2025 /АМИТ «Ховар»/. Имрӯз дар 41 боғи фарҳангӣ – фароғатии шаҳру ноҳияҳои Ҷумҳурии Тоҷикистон бо иштироки масъулин ва волидон маросими бошукӯҳи савгандёдкунии наваскарони даъвати баҳорӣ доир карда шуд. Дар ин хусус ба АМИТ «Ховар» аз Кумитаи ҷавонон ва варзиши назди Ҳукумати Ҷумҳурии Тоҷикистон хабар доданд.
Чорабиниҳои ҳарбӣ – ватандӯстӣ дар шаҳри Душанбе низ бо шукуҳи хосса дар «Боғи Ғалаба», «Майдони Истиқлол», «Боғи фарҳангӣ-фароғатии ба номи Александр Мироненко» ва Боғи фарҳангию фароғатии ба номи «Абулқосим Фирдавсӣ» баргузор гардиданд.
Таъкид шуд, ки савганди ҳарбӣ рукни муҳим буда, ҳар як афсару сарбоз бо ёд намудани он минбаъд дар давоми хизмат тамоми вазифаву уҳдадориҳои худро сарбаландонаву софдилона иҷро менамояд. Имрӯз ҷавонони далеру шуҷои Ватан баҳри ободии Тоҷикистон, таҳкими амнияту субот ва пешрафти рӯзафзуни мамлакат кӯшиш намуда, қарзи фарзандии худро дар назди Ватан – Модар ба таври шоистаю намунавӣ иҷро менамоянд.
Наваскарон бо нидои садоқат ба Ватан савганди ватандорӣ ёд намуданд. Ҳамчунин дар назди шаҳрвандон ва ҷавонони синни даъватӣ машқҳои ҳарбӣ намоиш дода шуда, гузашти низомӣ баргузор гардид.
Баъд аз қисми расмии чорабиниҳои ҳарбӣ – ватандӯстӣ гурӯҳи ҳаваскорон суруду оҳангҳои ватандӯстиро пешниҳоди иштирокчиён гардониданд.
АКС: Кумитаи ҷавонон ва варзиши назди Ҳукумати Ҷумҳурии Тоҷикистон/АМИТ «Ховар»
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
