Назорат ва пешгирии коррупсия дар соҳаи энергетика тақвият меёбад
ДУШАНБЕ, 02.05.2025 /АМИТ «Ховар»/. Назорат ва пешгирии коррупсия дар соҳаи энергетика тақвият меёбад. Ин матлаб дар вохӯрии кормандони Вазорати энергетика ва захираҳои оби Ҷумҳурии Тоҷикистон бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баён гардид. Дар ин хусус ба АМИТ «Ховар» аз Вазорати энергетика ва захираҳои оби Ҷумҳурии Тоҷикистон иттилоъ доданд.
Дар вохӯрӣ муовини Вазири энергетика ва захираҳои об Манучеҳр Сафарзода доир ба зарурат ва аҳамияти ворид намудани тағйирот ба Кодекси ҳуқуқвайронкунии маъмурии Ҷумҳурии Тоҷикистон ва илова ба Кодекси ҷиноятии Ҷумҳурии Тоҷикистон, ки ҷавобгариро барои истифодаи ғайриқонунии неруи барқ пешбинӣ менамояд, ибрози назар намуд.
Намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар бораи пешгирӣ ва бартараф намудани сабабу шароите, ки ба содир намудани ҷиноят ва дигар ҳуқуқвайронкуниҳои дорои хусусияти коррупсионӣ мусоидат менамоянд, сухан гуфт.
Дар вохӯрӣ ҳамзамон қонунгузорӣ дар самти муқовимат ба коррупсия мавриди таҳлилу баррасӣ қарор дода шуда, зарурати баланд бардоштани сатҳи маърифати ҳуқуқии кормандон ва риояи қатъии меъёрҳои хизматчии давлатӣ таъкид гардид.
Дар ҳамоиш инчунин масъалаи баланд бардоштани масъулияти роҳбарон ва хадамоти кадрӣ ҳангоми қабули кадрҳо ба кор, махсусан дар самти омӯхтани собиқаи касбӣ ва набудани ҳолатҳои ҷиноятӣ, аз ҷумла ҷиноятҳои дорои хусусияти коррупсионӣ мавриди таваҷҷуҳи махсус қарор гирифт.
АКС: Вазорати энергетика ва захираҳои оби Ҷумҳурии Тоҷикистон
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Хуросон кишти зироат идома дорад
«Амонатбонк» иқдоми «Файзи Истиқлол-35»-ро пешниҳод намуд
Дар Душанбе «Барномаи рушди маъмурикунонии андоз барои солҳои 2026-2030» муаррифӣ гардид
Малакаҳои рақамӣ заминаи рушди иқтисоди рақобатпазири Тоҷикистон мебошанд
Тоҷикистон ва Хазинаи байналмилалии асъор ҳамкориро дар самти рушди иқтидори захираҳои инсонӣ густариш медиҳанд
Дар Тоҷикистон нақшаи кишти такрорӣ 96 фоиз иҷро гардид
Дар Тоҷикистон беш аз 300 ҳазор тонна пиёз ҷамъоварӣ карда шудааст
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
Ҳавопаймои нави «Boeing 737-8 MAX»-и «Сомон Эйр» дар Душанбе муаррифӣ гардид
Дар деҳаи Рожи ноҳияи Шуғнон неругоҳи барқи офтобӣ бо иқтидори 3 мегаватт бунёд карда мешавад
Дар минтақаи Кӯлоб дар 204,7 гектар ҷангалзори нав бунёд гардид
Дараи Камароб дорои захираҳои нодири агробиологӣ ва имконияти васеи рушди кишоварзии кӯҳистон аст
