35-СОЛАГИИ ИСТИҚЛОЛИ ДАВЛАТӢ. Дар ноҳияи Абдураҳмони Ҷомӣ сохтмони 211 иншоот ба нақша гирифта шудааст
ДУШАНБЕ, 12.06.2025. /АМИТ «Ховар»/. Ба пешвози 35-солагии Истиқлоли давлатӣ дар ноҳияи Абдураҳмони Ҷомӣ бунёди 211 иншооти иҷтимоиву иқтисодӣ ба нақша гирифта шудааст. То имрӯз 70 фоизи иншоот ба истифода дода шудааст. Айни замон корҳои сохтмонӣ ва навсозии Беморхонаи марказии ноҳия ҷараён дорад.
Тавре аз хадамоти матбуоти Раиси вилояти Хатлон иттилоъ доданд, беморхона бо ташаббуси мақомоти иҷроияи ҳокимияти давлатии ноҳия ва саҳмгузории шахсони саховатманд сохта, ба истифода дода мешавад. Тибқи лоиҳа, бино якошёна буда, дар он 9 ҳуҷраи корӣ пешбинӣ шудааст.
Бо мақсади беҳтар намудани хизматрасонии тиббӣ ба аҳолӣ, таъмиру навсозии роҳи мошингарди атрофи беморхона ба масофаи 200 метр дар назар дошта шудааст, ки ба таъмини ҳаракати бемаҳдуд ва саривақтии мошинҳои ёрии таъҷилӣ мусоидат хоҳад кард.
Яке аз иншооти ҷашнӣ -маркази нави савдои «Аср» мебошад, ки дар Ҷамоати деҳоти «Ифтихор»-и ноҳия бунёд шудааст. Иншоот аз ҷониби соҳибкори маҳаллӣ Аброр Воҳидов сохта шуда, аз се ошёна иборат мебошад. Дар маркази савдо 13 нафар занони маҳаллӣ бо ҷойи кори доимӣ таъмин гардидаанд.
Дар ошёнаи якум маҳсулоти ниёзи аввалия ва ҷиҳози рӯзгор, дар ошёнаи дуюм либос ва дар ошёнаи сеюм дигар хизматрасониҳои савдо ба муштариён пешниҳод мешаванд.
АКС: Хадамоти матбуоти Раиси вилояти Хатлон
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
