Агентии обуҳавошиносӣ бо таҷҳизоти зарурии техникӣ таъмин мегардад
ДУШАНБЕ, 02.06.2025 /АМИТ «Ховар»/. Масъалаҳои марбут ба тақвияти ҳамкорӣ байни Тоҷикистону Ҷопон дар самти муҷаҳҳазгардонии Агентии обуҳавошиносӣ бо таҷҳизоти зарурии техникӣ барои пешгӯӣ, мониторинги захираҳои об ва ташкили системаи огоҳсозии барвақтӣ дар бораи тағйирёбии иқлим дар мулоқоти раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Вазири давлатии вазорати корҳои хориҷии Ҷопон Фудзи Хисаюки дар шаҳри Душанбе баррасӣ гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки Баҳодуд Шерализода, зарурати тақвияти иқтидори мутахассисон ва иштироки онҳо дар барномаҳои Агентии байналмилалии Ҷопон оид ба ҳамкорӣ /JICA/ ва Кумаки грантии Ҷопон барои рушди захираҳои инсонӣ /JDS/-ро таъкид намуда, инчунин аз дастгирии татбиқи лоиҳаҳои ҳифзи муҳити зист ёдовар шуд.
Баҳодур Шерализода ба Фудзи Хисаюки оид ба ҳамкории Кумита бо шарикони рушд ва лоиҳаҳое, ки бо дастгирии Фонди мутобиқшавӣ, Фонди ҷаҳонии муҳити зист ва Фонди иқлими сабз амалӣ мегарданд, маълумот дод.
Раиси Кумита пешниҳод кард, ки дар доираи формати «Осиёи Марказӣ + Ҷопон» ҳамкорӣ дар масъалаҳои экологӣ тақвият дода шавад.
Фудзи Хисаюки пешниҳод намуд, ки дар ҷараёни мулоқоти оянда дар формати «Осиёи Марказӣ + Ҷопон» ҷаласаҳои мавзуӣ бахшида ба натиҷаҳои Конфронси байналмилалии сатҳи баланд оид ба ҳифзи пиряхҳо баргузор гардад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
