Ҳайати «Амонатбонк» дар ҷаласаи Шурои сарони бонкҳои аъзои Иттиҳоди байнибонкии СҲШ иштирок намуд
ДУШАНБЕ, 09.06.2025 /АМИТ «Ховар»/. Ҳайати «Амонатбонк» таҳти роҳбарии раиси раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода дар ҷаласаи Шурои сарони бонкҳои аъзои Иттиҳоди байнибонкии Созмони ҳамкории Шанхай (ИББ СҲШ), ки дар шаҳри Пекин — пойтахти Чин баргузор шуд, иштирок намуд, иттилоъ медиҳад АМИТ «Ховар» бо истинод ба «Амонатбонк».
Дар ҷаласа роҳбарони бонкҳои аъзои Иттиҳоди байни бонкии Созмони ҳамкории Шанхай иштирок намуда, масъалаҳои муҳим, аз ҷумла ба имзо расонидани «Баёнияи муштараки бонкҳои аъзои Иттиҳоди байнибонкии Созмони ҳамкории Шанхай ба муносибати 20-солагии СҲШ», васеъ намудани шумораи бонкҳои аъзо ва афзоиши чорабиниҳо дар самти табодули таҷриба байни бонкҳоро баррасӣ намуданд.
Дар анҷоми ҷаласаи Шурои сарони бонкҳои аъзои Иттиҳоди байнибонкии Созмони ҳамкории Шанхай протокол оид ба аъзогӣ пазируфтани ҶСК «Беларусбанк» ба имзо расонида шуд.
Инчунин дар ҳошияи ҷаласаи ҷаласаи Шурои сарони бонкҳои аъзои Иттиҳоди байнибонкии Созмони ҳамкории Шанхай, раиси раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Алиҷон Салимзода бо Президенти Бонки давлатии рушди Чин Тан Сзюн, раиси Элдик Бонки Ҷумҳурии Қирғизистон Уланбек Ногаев ва раиси ҶСК «Беларусбанк» Виктор Ананич мулоқот намуда, мусоҳибон масоили ҳамкории дуҷонибаи «Амонатбонк» ва бонкҳои мазкурро дар самтҳои гуногун -табодули таҷриба ва маблағгузории савдо барои рушди гардиши молу маҳсулот байни кишварҳо баррасӣ намуданд.
Алиҷон Салимзода пешниҳоди бонкҳои шарикони рушдро бо хушнудӣ пазируфта, омодагии ҳамаҷонибаи «Амонатбонк»- ро дар дилхоҳ самтҳои манфиатнок иброз намуд.
АКС: Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк»
Афзалияти Тоҷикистон дар соҳаи энергетика дар СММ муаррифӣ гардид
Имсол дар Тоҷикистон беш аз 240 ҳазор нафар кӯдакон ба синфи якум мераванд
Дар шаш моҳ беш аз 199 ҳазор сайёҳ маконҳои таърихӣ-фарҳангии шаҳри Кӯлобро тамошо намуданд
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
