Ҷаласаи сеюми Комиссияи байниҳукуматии Тоҷикистону Ҷопон баргузор гардид
ДУШАНБЕ, 25.06.2025 /АМИТ «Ховар»/. Имрӯз дар шаҳри Токио ҷаласаи сеюми Комиссияи байниҳукуматии Тоҷикистону Ҷопон оид ба ҳамкории иқтисодӣ, илмӣ ва техникӣ бо иштироки ҳайатҳои расмии ду давлат баргузор шуд. Дар ин хусус АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон хабар медиҳад.
Зимни ҷаласа ҷонибҳо масъалаҳои муҳими рушди ҳамкории дуҷонибаро баррасӣ намуда, ба татбиқи лоиҳаҳои муштарак дар соҳаҳои саноат, кишоварзӣ, энергетика, логистика, рақамисозии иқтисод ва рушди захираҳои инсонӣ таваҷҷуҳи махсус зоҳир намуданд.
Дар рафти ҷаласа афзоиши ҳаҷми савдои дуҷониба ва таваҷҷуҳи тарафайн ба кушодани хатсайрҳои мустақим байни Душанбе ва шаҳрҳои Ҷопон ҳамчун омилҳои муҳими таҳкими ҳамкории амалии иқтисодӣ таъкид гардид.
Дар бахши иқтисоди рақамӣ ҷониби Тоҷикистон ба ҳадафи рақамисозии иқтисод то соли 2030 ишора намуда, муҳим будани дастгирии лоиҳаҳои марбут ба инфрасохтори рақамӣ, хизматрасониҳои электронии давлатӣ ва рушди соҳибкории рақамиро таъкид намуд.
Ҷониби Ҷопон иброз намуд, ки Тоҷикистон ҳамчун шарики боэътимод арзёбӣ гардида, ба дархостҳои пешниҳодшуда, аз ҷумла оид ба таъсиси маркази омӯзиши мутахассисон барои бозори меҳнати Ҷопон, дастгирии ширкатҳои муштарак ва густариши шабакаи омӯзиши забони ҷопонӣ дар шаҳру навоҳии Тоҷикистон изҳори ҳавасмандӣ карда шуд.
Аз натиҷаи ҷаласа Протоколи ҷаласаи Комиссияи байниҳукуматии Тоҷикистону Ҷопон оид ба ҳамкории иқтисодӣ, илмӣ ва техникӣ ба имзо расонида шуд, ки дар он тадбирҳои мушаххас вобаста ба тавсеаи минбаъдаи ҳамкорӣ дар соҳаҳои афзалиятнок дарҷ гардидаанд.
АКС: Вазорати рушди иқтисод ва савдои Ҷумҳурии Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
