Ҷашни Тиргон бо баргузории Иди зардолу ва намоиши «Хушкмеваҳои Тоҷикистон» оғоз гардид
ДУШАНБЕ, 22.06.20253. /АМИТ «Ховар»/. Имрӯз дар Муассисаи давлатии «Боғи Ирам» барои дар сатҳи баланд таҷлил намудани яке аз ҷашнҳои ниёгонамон — Тиргон намоиши маҳсулоти кишоварзӣ оғоз гардид, иттилоъ медиҳад хабарнигори АМИТ «Ховар» аз макони баргузории чорабинӣ.
Дар ин ҷашнгоҳ кишоварзони мамлакат аз навъҳои гуногуни зироат манора бо ороиши махсус омода намуданд. Инчунин меваю сабзавот ва полезиҳо, аз қабили харбузаву тарбуз ва дигар навъи маҳсулоти кишоварзиро пешниҳод намуданд, ки мароттибаи дигар сарзамини неъматофарин будани Тоҷикистонро собит менамояд.
Инчунин дар ин ҷашнгоҳ навъҳои гуногуни зардолуи тару тоза ва хушкмеваҳои дигар низ пешниҳод гардидааст. Аз ҷониби кадбонуҳои шаҳру ноҳияҳои мамлакат аз меваи зардолу навъҳои гуногуни шарбату обмева омода гардида, манзури иштирокдорон гардидаст.
Олимони соҳаи кишоварзӣ ба меҳмонон доир ба парвариши ниҳолҳои зардолу варақаҳои иттилоотӣ омода намуданд. Меҳмонон ва сокинони пойтахт имкон доранд, ки аз ҷашнгоҳ маҳсулоти кишоварзиро бо нархи дастрас харидорӣ намоянд
Дар назар аст, ки имрӯз барномаи фарҳангӣ доир шуда, кишоварзони фаъоли мамлакат қадрдонӣ гарданд.
Ҳадаф аз баргузории ин ҷашн тарғиби рушди маҳсулоти кишоварзӣ, муаррифии дастранҷи деҳқон, эҳё намудани анъанаҳои парвариши навъҳои гуногуни меваҷоту сабзавот ва баҳра бурдан аз таҷрибаи деҳқонон аст.
Ҷашни Тиргон бо мақсади иҷрои банди 20-и «Ҷадвали баргузории ҷашну солгард, фестивал, намоиши иду озмунҳои фарҳангию маърифатӣ ва анъанаҳои мардумӣ дар Ҷумҳурии Тоҷикистон барои соли 2025», ки бо Амри Президенти Ҷумҳурии Тоҷикистон аз 2 январи соли 2025 тасдиқ гардидааст, доир карда мешавад.
АКС: АМИТ «Ховар»
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
