Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
ДУШАНБЕ, 26.06.2025. /АМИТ «Ховар»/. Бахшида ба Рӯзи Ваҳдати миллӣ дар шаҳри Душанбе Конференсияи илмӣ-фарҳангии кормандони маорифи пойтахт баргузор гардид, ки дар он як қатор омӯзгорон барои фаъолияти пурсамар дар соҳаи маориф қадрдонӣ шуданд. Дар ин хусус ба АМИТ «Ховар» аз Сарраёсати маорифи шаҳри Душанбе хабар доданд.
Дар рафти конференсия изҳор шуд, ки кормандони соҳаи маорифи пойтахт бояд дар рушду таҳкими Истиқлоли давлатӣ, ваҳдати миллӣ ва дигар арзишҳои муқаддаси миллӣ сидқан саҳм гузоранд, зеро маҳз онҳо имкони дар рӯҳияи хештаншиносӣ, ватандӯстӣ ва садоқат ба халқу Ватан тарбия намудани насли наврасро доранд.
Иброз гардид, ки омӯзгорон бояд ба насли наврас аҳамияти Истиқлоли давлатӣ, ваҳдати миллиро дар таъмини зиндагии орому осуда, бо чӣ қадар мушкилӣ ба даст омадани сулҳу оромиро фаҳмонанд ва онҳоро ба ҳифзи ин арзишҳои миллӣ талқин созанд.
Бо мақсади арҷгузорӣ ба заҳматҳои омӯзгорон як зумра муаллимони навовару эҷодкор ва дорои натиҷаҳои назаррас бо нишони ифтихории «Аълочии маориф ва илми Тоҷикистон», Ифтихорномаи Сарраёсати маорифи шаҳри Душанбе ва туҳфаҳои хотиравӣ қадрдонӣ карда шуданд.
АКС: Сарраёсати маорифи шаҳри Душанбе
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
