Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
ДУШАНБЕ, 25.06.2025 /АМИТ «Ховар»/. Бо мақсади рушди футбол дар мамлакат байни Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» ва Федератсияи футболи Тоҷикистон шартномаи ҳамкорӣ ба имзо расонида шуд, иттилоъ медиҳад АМИТ «Ховар» бо истинод ба «Амонатбонк».
Шартномаи ҳамкорӣ дар Душанбе бо иштироки муовини раиси Раёсати Корхонаи воҳиди давлатии Бонки амонатгузории Ҷумҳурии Тоҷикистон «Амонатбонк» Фирдавс Ризвонзода ва ноиби президенти Федератсияи футболи Тоҷикистон Искандар Ҷалилов ба имзо расид.
Иброз гардид, ки футбол дар Тоҷикистон, яке аз намудҳои варзиши дар ҳоли рушд маҳсуб ёфта, дар байни аҳолии мамлакат маҳбубияти хосса касб намуда, ҷиҳати боз ҳам рушд бахшидани он барномаи давлатӣ қабул гардидааст.
Тазаккур дода шуд, ки «Амонатбонк» ҳамчун бонки давлатӣ ҷиҳати саҳмгузорӣ ба соҳаи варзиш ва тарғиби тарзи ҳаёти солим ҳамеша ҷонибдори сиёсати пешгирифтаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Президенти Федератсияи футболи Тоҷикистон муҳтарам Рустами Эмомалӣ мебошад.
Ноиби президенти Федератсияи футболи Тоҷикистон Искандар Ҷалилов иброз намуд, ки дастаи футболбозони «Амонатбонк» дар Чемпионати Тоҷикистон оид ба футзал яке аз дастаҳои пурқувват ва фаъол ба ҳисоб рафта, сазовори ҷойҳои намоён мегарданд ва ба ин васила саҳми бевоситаи худро дар рушди футболи мамлакат мегузоранд.
Баимзорасонидани шартномаи ҳамкорӣ байни «Амонатбонк» ва Федератсияи футболи Тоҷикистон қадами устувор дар ҷодаи саҳмгузорӣ ҷиҳати рушду пешрафти футболи мамлакат арзёбӣ гардид.
АКС: «Амонатбонк»
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
ҚУРБИ АСЪОР: 1 рубли русӣ аз 0.1000 то 0.1085 сомонӣ муқаррар шудааст
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
