Дар Донишгоҳи давлатии Кӯлоб вобаста ба ташаббусҳои ҷаҳонии Президенти Тоҷикистон ҳамоиш доир шуд
ДУШАНБЕ, 04.06.2025. /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ дар ҳошияи Конфронси байналмилалии сатҳи баланд оид ба ҳифзи пиряхҳо таҳти унвони «Ташаббусҳои ҷаҳонии Пешвои миллат доир ба ҳифзи муҳити зист ва аҳамияти ҳаётии онҳо барои башарият» ҳамоиши илмӣ-назариявӣ баргузор гардид. Дар ин хусус ба АМИТ «Ховар» аз ин донишгоҳ хабар доданд.
Иштирокдорони ҳамоиш таъкид намуданд, ки ташаббусҳои Тоҷикистон оид ба ҷалб намудани таваҷҷуҳи ҷомеаи ҷаҳонӣ ба ҳаллу фасл ва дарёфти роҳу усулҳои рафъи мушкилоти вобаста ба обу иқлим муҳим ва саривақтӣ мебошанд. Иқдомҳои башардӯстона ва дурандешонаи Президенти Ҷумҳурии Тоҷикистон муҳтарам Эмомалӣ Раҳмон ҷиҳати расидан ба рушди устувор дар соҳаи обу иқлим аз тарафи ҷомеаи ҷаҳонӣ ҷонибдории зиёд гардид, ки он аз рафти Конфронси байналмилалии сатҳи баланд оид ба ҳифзи пиряҳо дар Душанбе (29-31) ба мушоҳида расид.
«Бо назардошти пешниҳодҳои саривақтии Пешвои миллат вобаста ба масъалаҳои об ва иқлим мутахассисон ва муҳаққиқони моро зарур аст, ки ташаббускор бошанд ва тамоми чорабиниҳои нақшавиро пайгирона, ба таври мақсаднок ва дар сатҳи баланд иҷро намоянд»,- иброз гардид дар конфронс.
Ёдовар мешавем, ки дар иҷлосияи 77-уми Маҷмаи Умумии Созмони Милали Муттаҳид оид ба эълон шудани соли 2025 Соли байналмилалии ҳифзи пиряхҳо ва 21 март Рӯзи байналмилалии ҳифзи пиряхҳо саҳифаи нави таърихӣ кушода шуд. Ин ташаббуси Президенти Тоҷикистон маротибаи дигар мамлакати моро ҳамчун давлати ташаббускор дар соҳаи об ба ҷаҳониён муаррифӣ намуд.
Баргузории ин ҳамоиши илмӣ ба иштирокчиён шароити мусоид фароҳам овард, ки андешаҳои худро оид ба паҳлуҳои фалсафӣ, илмӣ ва амалии ҳифзи муҳити зист иброз намоянд. Мавзӯъҳо на танҳо зарфияти назариявии муҳаққиқонро бозгӯ карданд, балки аҳамияти рӯзмарраи ташаббусҳои Тоҷикистонро дар ҳалли масъалаҳои башарӣ таъкид намуданд.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
«РАВАНДИ ОБИ ДУШАНБЕ». Барои Тоҷикистон ин дастоварди дипломатӣ ва масъулияти бузург аст
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
