Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
ДУШАНБЕ, 04.06.2025. /АМИТ «Ховар»/. 3 июн дар шаҳри Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил оид ба беҳтар намудани таъминоти иттилоотии хадамоти миллии оморӣ оғоз гардид, ки он то 5 июн идома меёбад.
Тавре аз Агентии омори назди Президенти Ҷумҳурии Тоҷикистон ба АМИТ «Ховар» иттилоъ доданд, дар кори ҷаласа намояндагони мақомоти омори Озарбойҷон, Арманистон, Беларус, Қазоқистон, Қирғизистон, Русия, Тоҷикистон, Узбекистон ва Кумитаи омори Иттиҳоди Давлатҳои Мустақил иштирок доранд.
Дар ҷаласа масъалаҳои ташаккул ва роҳҳои муосири паҳннамоии саривақтии иттилооти оморӣ бо истифодаи технологияҳои муосири иттилоотӣ ва зеҳни сунъӣ ҷиҳати баландбардории сатҳи қаноатмандии истифодабарандагони маълумоти оморӣ мубодилаи афкор намуданд.
Инчунин дар назар аст, ки дар ҷаласа масъалаи таҳиянамоии маълумоти омори расмӣ дар давлатҳои аъзо ва татбиқи тавсияҳои коршиносони байналмилалӣ аз Кумитаи байнидавлатии омори Иттиҳоди Давлатҳои Мустақил мавриди баррасӣ қарор гирад.
Директори Агентии омори назди Президенти Ҷумҳурии Тоҷикистон Ҷамшед Нурмаҳмадзода иброз намуд, ки танҳо бо ҳамкории муштарак дар татбиқи технологияҳои иттилоотӣ, таъмини рушди бонизоми зеҳни сунъӣ, таҳияи маълумоти кушода ва ташаккули он дар асоси стандартҳои байналмилалӣ, аз ҷумла шакли оморӣ оид ба равандҳои тиҷорат ва умуман дар татбиқи воситаҳои муосири коркард ва интиқоли иттилоот дар соҳаҳои гуногун метавонем муваффақ гардем.
АКС: Агенти омори назди Президенти Ҷумҳурии Тоҷикистон
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
