Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
ДУШАНБЕ, 18.06.2025 /АМИТ «Ховар»/. 17 июн дар шаҳри Душанбе машваратҳои сиёсии байниидоравӣ байни Вазорати корҳои хориҷии Ҷумҳурии Тоҷикистон ва Вазорати ҳокимияти мардумӣ оид ба муносибатҳои байналмилалии Ҷумҳурии Боливариании Венесуэла баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар рафти машваратҳо, ки маротибаи нахустин доир гардид, масъалаҳои тавсеаи ҳамкорӣ ва рушди муносибатҳои дуҷониба ва бисёрҷонибаи Тоҷикистону Венесуэла, шарикӣ дар чаҳорчӯби созмонҳои байналмилалӣ, бахусус Созмони Милали Муттаҳид, инчунин дигар мавзуҳои мавриди эҳтимоми тарафайн баррасӣ шуданд.
Дар фароварди ҷаласа ҷонибҳо омодагии худро ба манзури густариши минбаъдаи ҳамкорӣ, таҳкими тамосҳои мустақим ва такмили заминаи қарордодӣ-ҳуқуқӣ иброз доштанд.
Дар доираи машваратҳо Ёддошти тафоҳум дар бораи таъсиси абзори машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати ҳокимияти мардумӣ оид ба муносибатҳои байналмилалии Ҷумҳурии Боливариании Венесуэла ба имзо расид.
Ҳайати ҷониби Тоҷикистонро муовини якуми Вазири корҳои хориҷӣ Исматулло Насредин ва ҷониби Венесуэларо муовини Вазири корҳои хориҷӣ дар умури Осиё, Ховари Миёна ва Уқёнусия Татяна Пю Морено роҳбарӣ намуданд.
Бояд таъкид намуд, ки моҳи октябри соли 2025 Тоҷикистон ва Венесуэла 20-умин солгарди барқарории муносибатҳои дипломатии байни ду кишварро таҷлил мекунанд.
АКС: Вазорати корҳои хориҷии Ҷумҳурии Тоҷикистон
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
Идибек Қаландар бо Дабири кулли Вазорати корҳои хориҷии Малайзия мулоқот намуд
Сафири Тоҷикистон бо муовини Котиби давлатии ИМА Кристофер Ландау мулоқот намуд
Рушди ҳамкории Тоҷикистону Олмон дар бахшҳои сиёсӣ ва иқтисодӣ баррасӣ гардид
Сафири Тоҷикистон дар Корея бо раиси ширкати KOTA seed potato Co. Ltd. мулоқот намуд
Муносибатҳои дуҷонибаи Тоҷикистон ва Эрон баррасӣ гардиданд
Ҳамкории Тоҷикистону Озарбойҷон дар соҳаи тағйирёбии иқлим ва ҳифзи муҳити зист баррасӣ шуд
Даври 4-уми Шарҳи универсалии даврии Тоҷикистон дар Женева баргузор шуд
Дар Женева доир ба дастовардҳои Тоҷикистон дар 35 соли истиқлоли давлатӣ ва таҳкими ҳифзи ҳуқуқи инсон чорабинии сатҳи баланд доир шуд
Сафири Тоҷикистон дар Австрия бо Президенти Бунёди ОПЕК оид ба рушди байналмилалӣ вохӯрӣ намуд
Сафири Тоҷикистон бо раиси Шурои мудирони Ширкати лоиҳаҳои гардишгарии Кувайт мулоқот намуд
Дар Москва Рӯзи Конститутсияи Тоҷикистонро таҷлил намуданд
