Дар Душанбе вобаста ба рушди мониторинги обҳои рӯизаминии Тоҷикистон ҳамоиш доир гардид
ДУШАНБЕ, 12.06.2025 /АМИТ «Ховар»/. 11 июн дар шаҳри Душанбе дар мавзуи «Рушди мониторинги обҳои рӯизаминӣ дар Тоҷикистон тавассути идоракунии сифат ва ҳамкорӣ» ҳамоиш доир гардид.
Тавре мухбири АМИТ «Ховар» хабар медиҳад, зимни ҳамоиш иштирокчиён табодули пешниҳод оид ба рушди минбаъдаи мониторинги сифати обҳои рӯизаминӣ ва суръатбахшии татбиқи Ҳадафҳои рушди устувор дар соҳаи захираҳои об ва муҳити зист дар Тоҷикистонро баррасӣ намуданд.
Иброз гардид, ки ҳадафи ҳамоиш баланд бардоштани иқтидор дар бахши идоракунии муҳити зист, арзёбӣ ва мониторинги сифати обҳои рӯизаминӣ мебошад. Дар маҷмӯъ мусоидат ба татбиқи «Стратегияи миллии оби Ҷумҳурии Тоҷикистон барои давраи то соли 2040» ва дигар барномаҳои соҳавӣ аст.
Муовини якуми Раиси Кумитаи ҳифзи муҳити зист назди Ҳукумати Ҷумҳурии Тоҷикистон Исфандиёр Шукур иброз дошт, ки ҳадафи мониторинг баланд бардоштани қобилияти идоракунии экологӣ, арзёбии сифати обҳои рӯизаминӣ ва расидан ба ҳадафҳои миллӣ, ки дар «Стратегияи миллии оби Ҷумҳурии Тоҷикистон барои давраи то соли 2040» муайян шудаанд, мебошад.
Дар доираи стратегия шарикони рушд, барои мониторинг ва арзёбии сифати об кӯмаки техникиро аз ҷумла таҷҳизот, восита ва асбобҳои зарурӣ пешниҳод карданд.
Таъкид гардид, ки баргузории чунин ҳамоишҳо бо ҷалби шарикони рушд қадами муҳим дар рушди устувори захираҳои об ва тақвияти ҳамкории байналмилалӣ дар соҳаи ҳифзи муҳити зист ба шумор меравад.
АКС: АМИТ «Ховар»
Оид ба сохтмони корхонаи саноатии коркарди маҳсулоти мазут дар ноҳияи Шуғнон созишномаи ҳамкорӣ ба имзо расид
Дар шаҳри Бохтар лоиҳаи «Шаҳри бехатар» амалӣ мегардад
«ПОМИРИНВЕСТ-2026». Байни Мақомоти иҷроияи ҳокимияти давлатии шаҳри Хоруғ ва соҳибкорон 22 созишномаи ҳамкорӣ ба имзо расид
Ширкати «China Gezhouba Group» ба бунёди неругоҳҳои «Айнӣ» ва «Ёвон» дар ҳавзаи дарёи Зарафшон таваҷҷуҳ зоҳир намуд
Арзиши байналмилалии металлургияи миллӣ ва рушди истеҳсоли металлҳои сиёҳ дар Тоҷикистон
25 ИЮЛ — РӮЗИ КОРМАНДОНИ НАҚЛИЁТИ АВТОМОБИЛӢ. Дар Тоҷикистон ин нақлиёт дар самти боркашонӣ ва интиқоли мусофирон нақши калидӣ дорад
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
