Дар Маҷмааи лижаронии «Сафеддара» «Эко-пойга барои пиряхҳо» баргузор шуд
ДУШАНБЕ, 01.06.2025. /АМИТ «Ховар»/ – Дар доираи Конфронси байналмилалии сатҳи баланд оид ба ҳифзи пиряхҳо хатсайри сайёҳии Душанбе – Маҷмааи лижаронии «Сафеддара» ташкил гардид. Сайри сайёҳӣ бо ду автобус аз назди Театри давлатии академии опера ва балети ба номи Садриддин Айнӣ оғоз ёфта, меҳмонон аз манзараҳои зебои Душанбе ва кӯҳсори ноҳияи Варзоб ҳаловат бурданд.
Пас аз тай намудани 50 километр роҳ, меҳмонон ба Маҷмааи сайёҳии «Сафеддара» — яке аз ҷойҳои маъруфу зебои кӯҳистони Тоҷикистон расиданд.
Дар ин маҷмаа иштирокдорони Конфронс дар чорабинии варзишии «Эко-пойга барои пиряхҳо» («Eco-Run For Glacier»), ки бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон ва Ассотсиатсияи дав ва марафонҳои Тоҷикистон ташкил гардид, иштирок намуданд.
Муовини Сарвазири мамлакат Дилрабо Мансурӣ зимни ифтитоҳи чорабинӣ иброз намуд, ки баргузории чунин рӯйдодҳо барои ташвиқи тарзи ҳаёти солим, таҳкими дӯстии халқҳо ва баланд бардоштани нуфузи Тоҷикистон дар арсаи байналмилалӣ аҳамияти хос дорад.
Ҳадафи асосии дав — ҷалби таваҷҷуҳи ҷомеаи ҷаҳонӣ ба масъалаҳои обшавии пиряхҳо, ҳифзи муҳити зист ва тағйирёбии иқлим мебошад.
Дар дав меҳмони махсус, варзишгар аз Амрико, фаъоли машҳури масъалаҳои иқлим ва лижарони касбии сатҳи ҷаҳонӣ Каролин Глейш иштирок намуд.
Мусобиқа дар баландии 2700 метр аз сатҳи баҳр, дар манзараҳои зебои кӯҳии «Сафеддара» доир гардида, меҳмононро бо табиати тоза ва ҳавои форамаш мафтун кард.
«Эко-пойга барои пиряхҳо» дар доираи Конфронси байналмилалии сатҳи баланд оид ба ҳифзи пиряхҳо, ки 29-31 май дар пойтахти Ҷумҳурии Тоҷикистон – шаҳри Душанбе доир гардид, баргузор карда шуд.
Зарангези ЛАТИФ,
АМИТ «Ховар»
АКС: АМИТ «Ховар»
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Доир ба ташаббусҳои Тоҷикистон дар самти обу иқлим конфронси илмӣ-амалӣ баргузор шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
