Дар Маркази солимгардонии Суғд беш аз 200 нафар кӯдакону наврасон ба истироҳат ҷалб гардидаанд
ДУШАНБЕ, 30.06.2025 /АМИТ «Ховар»/. Дар Ҷамоати деҳоти Овчиқалъачаи ноҳияи Бобоҷон Ғафуров дар басти аввали Маркази солимгардонии Суғд 230 нафар кӯдакону наврасон ба истироҳат ҷалб гардидаанд. Дар ин хусус ба АМИТ «Ховар» аз Раёсати маорифи вилояти Суғд хабар доданд.
Дар Маркази солимгардонӣ кӯдакон дар баробари фароғат ба чорабиниҳои варзишию фарҳангӣ фаро гирифта мешаванд. Дар ин макон истироҳаткунандагон рӯҳан обутоб ёфта, дӯстони нав пайдо менамоянд ва дар соли нави таҳсил бо неруи дучанд ба омӯзиши илму фан шуруъ менамоянд.
Ҳамасола дар мавсими тобистон ва таътили тобистонаи мактаббачагон барои истироҳату фароғати наврасон Маркази солимгардонии Суғд фаъол мегардад.
Ба иттилои масъулин, дар баробари машғулиятҳои зеҳнӣ хонандагон ҳамчунин ба машғулиятҳои ҷисмонӣ, аз ҷумла рақсу сурудхонӣ машғул мешаванд, ки ин баҳри хубу гуворо гузаронидани мавсими истироҳат ба хонандагон таъсири мусбат мерасонад.
АКС: АМИТ «Ховар»
Имрӯз дар ноҳияҳои алоҳидаи Тоҷикистон чангу ғубор ба амал меояд
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
