«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
ДУШАНБЕ, 25.06.2025. /АМИТ «Ховар»/. Фестивали байналмилалии эҷодиёти бадеии кӯдакон ва наврасони кишварҳои Иттиҳоди Давлатҳои Мустақил таҳти унвони «Дар меҳмонии Душанбе» оғоз гардид. Дар ин хусус ба АМИТ «Ховар» аз Маркази кӯдакон ва наврасони шаҳри Душанбе хабар доданд.
Фестивал то 27 июн идома ёфта, иштирокдорони он дар баробари иштирок дар бахшҳои озмунии фестивал, инчунин аз боғҳои истироҳативу фароғатӣ, осорхонаҳо ва дигар муассисаҳои фарҳангиву фароғатии пойтахт шинос мешаванд.
Фестивали байналмилалии «Дар меҳмонии Душанбе» ҳамоиши маърифативу фарҳангии кӯдакону наврасон буда, тибқи қарори Раиси шаҳри Душанбе муҳтарам Рустами Эмомалӣ бо иштироки зиёда аз 120 нафар кӯдакону наврасон баргузор мегардад.
Дар фестивал кӯдакону наврасон аз кишварҳои аъзои Иттиҳоди Давлатҳои Мустақил, ҳамчунин аз Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи марказ ва шаҳри Душанбе иштирок менамоянд.
Ҳадаф аз баргузории фестивал фароҳам овардани шароити мусоид барои таҳким бахшидани муносибатҳои дӯстона байни кӯдакон ва наврасони кишварҳои аъзои Иттиҳоди Давлатҳои Мустақил, тарғиби арзишҳои инсонпарварона, сулҳу ваҳдат, омӯзиш ва арҷгузорӣ ба урфу одат ва фарҳангу тамаддуни ҳамдигар, табодули маълумот ва таҷриба байни муассисаҳои таҳсилоти умумӣ ва иловагӣ мебошад.
Мақсади фестивал инчунин омӯзиш ва арҷгузорӣ ба таъриху фарҳанг, адабиёту санъат ва тамаддуни ҳамдигарӣ, мусоидат ба рушди эҷодиёти мусиқию бадеии насли наврас ва дар ин замина муаррифӣ намудани шаҳри Душанбе ҳамчун шаҳри дорои имконоти рушди кӯдакон мебошад.
АКС: Маркази кӯдакон ва наврасони шаҳри Душанбе
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
