Дар ноҳияи баландкӯҳи Мурғоб се неругоҳи барқи офтобӣ ба истифода дода мешавад
ДУШАНБЕ, 23.06.2025 /АМИТ «Ховар»/. Дар ноҳияи баландкӯҳи Мурғоб се неругоҳи барқи офтобӣ ба истифода дода мешавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Неругоҳи офтобӣ дар деҳаҳои Аличур ва Гулзор то охири моҳи июни соли равон ва неругоҳи деҳаи Булункӯл охири моҳи июл ба истифода дода мешавад.
Вазири энергетика ва захираҳои оби Ҷумҳурии Тоҷикистон Далер Ҷумъа бо ҷараёни сохтмони неругоҳҳои барқи офтобӣ дар деҳаҳои Аличур бо тавоноии 2,8 МВт (бо насби батареяи захираи энергия 1,4 МВт.соат), Гулзор бо тавоноии 450 кВт (батареяи захираи энергия 220 кВт.соат) ва Булункӯл бо тавоноии 565 кВт (батареяи захираи энергия 360 кВт.соат)-и ноҳияи баландкӯҳи Мурғоб шинос шуд.
Бунёди неругоҳҳои барқи офтобӣ дар доираи лоиҳаи «Электрификатсияи деҳот», амалӣ гардида, ҳадафи асосӣ таъмини аҳолии минтақаҳои дурдаст ва кӯҳистони мамлакат бо неруи барқи аз ҷиҳати экологӣ тоза мебошад.
Татбиқи чунин лоиҳаҳои инфрасохторӣ дар шароити душвори иқлимии ноҳияҳои баландкӯҳ ба беҳтар гардидани шароити зисти аҳолӣ, рушди устувори иҷтимоию иқтисодии минтақа ва иҷрои ҳадафҳои стратегияи миллии таъмини истиқлоли энергетикӣ мусоидат хоҳад намуд.
АКС: Вазорати энергетика ва захираҳои оби Ҷумҳурии Тоҷикистон
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
