Дар ноҳияи Данғара ду коргоҳи истеҳсоли оксиген ба истифода дода шуд
ДУШАНБЕ, 14.06.2025. /АМИТ «Ховар»/. Дар Беморхонаи марказии ноҳияи Данғара ду коргоҳи истеҳсоли оксиген ба истифода дода шуд. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд.
Бояд тазаккур дод, ки ҳифзи саломатии модару кӯдак яке аз самтҳои афзалиятноки соҳаи тандурустии мамлакат ба шумор меравад. Яке аз коргоҳи истеҳсоли оксиген дар шуъбаи таваллудхонаи Беморхонаи марказии ноҳияи Данғара ҷойгир карда шудааст. Истеҳсоли оксиген барои занони ҳомила ва тифлони навзод дар ҳолати зарурӣ хизмат мерасонад.
Дар баробари таъмини беморони ин беморхона, инчунин ба беморхонаҳои шаҳру ноҳияҳои гирду атрофи ноҳияи Данғара низ дар ин самт хизмат расонида мешавад.
Иттилоъ дода шуд, ки баъди мавриди истифода қарор додани ду коргоҳи истеҳсоли оксиген дар Беморхонаи марказии ноҳияи Данғара хизматрасонии тиббӣ ба аҳолӣ боз ҳам беҳтар гардида, эҳтиёҷоти беморон дар ин муассисаи тандурустӣ бо он пурра таъмин хоҳад шуд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Имрӯз дар шаҳри Душанбе ҳаво то 25 дараҷа гарм мешавад
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
