Дар ноҳияи Мир Саид Алии Ҳамадонӣ ҳосили тарбуз фаровон аст
ДУШАНБЕ, 18.06.2025. /АМИТ «Ховар»/. Имсол кишоварзони ноҳияи Мир Саид Алии Ҳамадонӣ дар 13 ҳазору 375 гектар замини корам парвариши сабзавот ва дигар намуди зироатро ба роҳ мондаанд. Айни замон дар ноҳия хоҷагидорон ба ҷамъоварии ҳосили фаровони картошкаю пиёз, полезӣ, аз ҷумла тарбуз ва дигар намуди маҳсулот машғул мебошанд. Деҳқонони ноҳия аз фаровонии ҳосили тарбуз хабар доданд.
Тавре аз Мақомоти иҷроияи ҳокимияти давлатии ноҳияи Мир Саид Алии Ҳамадонӣ ба АМИТ «Ховар» иттилоъ доданд, имсол аввалин шуда дар ноҳия тарбузи барвақтӣ ҷамъоварӣ ва ба бозори истеъмолии мамлакат ба фурӯш бароварда шуд.
Сокини Ҷамоати деҳоти Чӯбек Хоксор Ҷумахонов имсол дар 25 гектар замин навъҳои гуногуни маҳсулоти кишоварзӣ парвариш намудааст. Аз ҷумла, ӯ дар заминҳои хоҷагиаш тарбузи барвақтӣ, гандум, пахта ва дигар сабзавот кишт кардааст.
Айни замон корҳои нармкунии байни қаторҳои пахта ва таъмини нуриҳои минералӣ ҷарён дорад. Иброз гардид, ки бо истифода аз тухмии хушсифат нашъунамои пахта дар ҳолат хуб қарор дорад.
Дар ноҳия таваҷҷуҳи асосӣ ба кишти такрорӣ нигаронида шудааст ва дар майдонҳои холишуда сабзавоту полезӣ ва маккаи дон парвариш гардида истодаанд. Инчунин таваҷҷуҳи хоҷагидорон ба истифодаи васеи имкониятҳои мавҷуда ва таъмини афзоиши истеҳсоли маҳсулоти рақобатпазири содиротӣ низ равона шудааст.
АКС: АМИТ «Ховар»
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
