Дар Санкт-Петербург Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором баргузор шуд
ДУШАНБЕ, 19.06.2025 /АМИТ «Ховар»/. Дар шаҳри Санкт-Петербурги Федератсияи Русия Ассамблеяи XIX генералии Созмони агентиҳои иттилоотии кишварҳои Осиё ва Уқёнуси Ором (OANA) доир гардид, хабар медиҳад АМИТ «Ховар» бо истинод ба ТАСС.
Дар ин ҳамоиш беш аз 100 намояндаи агентиҳои пешрафтаи иттилоотии зиёда аз 30 кишвари ҷаҳон иштирок намуданд. Ҷумҳурии Тоҷикистонро дар ин чорабинӣ директори Агентии миллии иттилоотии Тоҷикистон «Ховар» Субҳиддин Шамсиддинзода намояндагӣ намуд.
Мавзуи асосии рӯзномаи ҷаласа нақши агентиҳои иттилоотӣ дар мушкилоти ҷаҳони муосир гардид. Иштирокчиён масъалаҳои муҳими мубориза бо маълумоти бардурӯғ ва паҳншавии фейкҳо, инчунин таъсири технологияҳои зеҳни сунъӣ ба кори воситаҳои ахбори оммаро баррасӣ намуданд.
Дар доираи барнома, иштирокчиён инчунин дар чорабиниҳои Форуми байналмилалии иқтисодии Петербург, ки дар ин рӯзҳо дар Санкт-Петербург мегузарад, иштирок намуданд.
Созмони агентиҳои иттилоотии кишварҳои Осиё ва Уқёнуси Ором (OANA) бузургтарин иттиҳоди минтақавии сохторҳои ВАО мебошад, ки 41 агентии 33 кишвари ҷаҳонро дар бар мегирад. Ба ғайр аз давлатҳои Осиё-Уқёнуси Ором, агентиҳои кишварҳои Шарқи Наздик, инчунин якчанд давлати ИДМ аъзои ин созмон ба ҳисоб мераванд.
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
