Дар шаҳри Бӯстон сохтмони корхонаи муосири забҳи парранда идома дорад
ДУШАНБЕ, 28.06.2025. /АМИТ «Ховар»/. Бо мақсади сазовор пешвоз гирифтани 35-солагии Истиқлоли давлатӣ дар вилояти Суғд корҳои созандагию ободонӣ рӯз то рӯз вусъат ёфта, силсилаи иншооти муҳими ҷашнӣ ба истифода дода мешаванд. Дар ин хусус ба АМИТ «Ховар» аз Мақомоти иҷроияи ҳокимияти давлатии вилояти Суғд хабар доданд.
Дар шаҳри Бӯстон, тибқи нақшаи чорабиниҳо, бунёд, таҷдид ва навсозии 223 иншооти ҷашнӣ пешбинӣ гардидааст. Яке аз самтҳои афзалиятноки татбиқи ин нақшаҳо рушди соҳаи саноат, бахусус таъсиси корхонаҳои муосири истеҳсолӣ ба ҳисоб меравад.
Аз ҷумла, бо ташаббуси Ҷамъияти дорои масъулияти маҳдуди «Хубҷамъинвест» сохтмони коргоҳи замонавии забҳ ва бастубандии парранда дар ҳудуди шаҳр оғоз гардидааст.
Коргоҳ бо истифодаи технологияи муосир ба таври пурра автоматикунонида шуда, ҷавобгӯи талаботи стандартҳои ҷаҳонӣ хоҳад буд. Баъди ба фаъолият оғоз кардани он, беш аз 100 нафар сокинони маҳаллӣ бо ҷойи кори доимӣ таъмин мегарданд.
Сохтмони корхонаи забҳи парранда дар шаҳри Бӯстон на танҳо ба рушди иқтисодии маҳал ва таъмини сокинон бо ҷойи кор мусоидат мекунад, балки ҷиҳати боз ҳам беҳтар намудани таъминоти бозори дохилӣ бо маҳсулоти босифати ватанӣ саҳми назаррас хоҳад гузошт.
АКС: Мақомоти иҷроияи ҳокимияти давлатии вилояти Суғд
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
