Дар шаҳри Душанбе намоишгоҳи ҷойҳои кории холӣ баргузор карда шуд
ДУШАНБЕ, 18.06.2025 /АМИТ «Ховар»/. Бо мақсади таъмин намудани ҷавонон — хатмкунандагони мактабҳои олии мамлакат бо кори доимӣ дар филиали Донишгоҳи давлатии Москва ба номи М.В. Ломоносов дар шаҳри Душанбе бо иштироки идораю муассисаҳои давлатию ғайридавлатӣ ва ташкилотҳои қарзии мамлакат намоишгоҳи ҷойҳои кории холӣ баргузор карда шуд. Дар ин хусус АМИТ «Ховар» бо истинод ба Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» иттилоъ медиҳад.
Тибқи иттилои манбаъ, дар радифи дигар идораҳои давлатӣ дар намоишгоҳ кормандони масъули Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» иштирок намуда, ба хатмкунандагони филиали Донишгоҳи давлатии Москва ба номи М.В. Ломоносов дар шаҳри Душанбе ва дигар корҷӯён ҷойҳои кории холиро пешниҳод намуданд.
Дар ҷараёни намоишгоҳ ҷойҳои кори холӣ ба иштирокдорон оид ба тартиби қабул ба кор, пешниҳоди ҳуҷҷатҳои зарурӣ, шарту шароит ва дигар имконият маълумоти зарурӣ пешниҳод гардид.
Ҳамзамон дар қисмати пешниҳоди рӯнамо оид ба фаъолияти соҳаи бонкдорӣ, масъулини «Амонатбонк» дар мавзуи «Амонатбонк ва сиёсати ҷавонон» сухан гуфта, оид ба самти фаъолияти назарраси ҷавонон дар ин бонк ба иштирокдорон-хатмкунандагон ва корҷӯён маълумот доданд.
Бояд тазаккур дод, ки ташкил ва баргузории чунин намоишгоҳи ҷойҳои кории холӣ барои татбиқи яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон, хусусан бо ҷойҳои кории доимӣ таъмин намудани ҷавонон ва хатмкунандагони мактабҳои олии мамлакат мусоидат менамояд.
АКС: КВД «Бонки амонатгузории Ҷумҳурии Тоҷикистон «Амонатбонк»
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
ҚУРБИ АСЪОР: 1 рубли русӣ аз 0.1040 то 0.1144 сомонӣ муқаррар шудааст
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
